Луғат. Тузувчилар: Абулқосимов Ҳ. П., Абулқосимов М.Ҳ

Корхонанинг мақсадлари 
- бу корхонанинг яқин 
даврларда эришмоқчи бўлган ютуқлари натижаларидан 
иборат. Мақсадлар ташкилот олдига, унинг ташкилий 
тузилмаларига, шунингдек аниқ ижрочилар олдига қўйилиши 
мумкин. 
Мақсадлар
мақсад мослашувидан фарқли равишда 
ўзининг аниқлиги, ўлчамлилиги, эришувчанлиги, миссия 
билан мослиги, шунингдек унга эришиш учун вақтинча 
чегарадан иборат. Мақсадларнинг бу фарқли жихати SMART - 
характеристикаси хисобланади. SMART - қуйидаги сўзларни 
бош харфларидан иборат: 1. Specific - мақсад шу қадар аниқ ва 
равшан бўлиши лозимки, уларни нотўғри ёки турлича 
тушунишга ўрин қолмаслиги лозим. 2. Measuruble - барча 
нарсаларнинг миқдорини изхор эта олиши, хатто биринчи 
навбатда мақсадга эришилганда, натижа қандай бўлишини 
назарда тутиб, субъектив кутиш. 3. Achievable - ҳам раҳбар, 
ҳам унга тобе кишилар мақсадга эришиш мумкинлигига 
ишончларининг мавжудлиги. 4. Related - стратегия, 
ташкилотнинг хўжалик мақсадлари ижрочилар манфаати 
ўзаро алоқаси. 5. Time – bound - эришиш муддатлари бўйича 
вақт шкаласида аниқланади.
 

---

- 209 - 
Корхонанинг оптимал ҳажми
– 
маҳсулот ишлаб 
чиқариш (иш бажариш, хизмат кўрсатиш) бўйича имзоланган 
шартнома ва мажбуриятларни ўз муддатида, энг кам 
харажатлар билан энг юқори самарадорликка эришган ҳолда 
бажариш имконини берувчи корхона ҳажми. 
 Корхонанинг тижорат сирлари 
– 
корхонанинг ишлаб 
чиқариш, технологиялар, бошқарув ва бошқа турдаги 
фаолияти билан боғлиқ, ошкор қилиниши корхона 
манфаатларига зарар етказиши мумкин бўлган, давлат 
сирларига алоқаси бўлмаган маълумотлар. 
 Корхонанинг ялпи даромади 
- корхонанинг ишлаб 
чиқариш ва хўжалик фаолияти натижаларининг охиргик 
умумлаштирувчи кўрсаткичи. Кохонанинг ялпи даромади 
сотилган маҳсулотлар, бажарилган ишлар ва хизматлардан 
тушган тушумдан жорий-моддий харажатлар чегириб ташлаб 
аниқланади. 
Котировка
(франц. рақамлаш, белгилаш) - махсус 
биржаларда валюталар, қимматбаҳо қоғозлар курсини ва 
товарлар қийматини аниқлаш ҳамда уларни қайд этиш. 
Товарлар котировкасининг икки тури мавжуд: 1) биржанинг 
ҳар кунги фаолияти давомида тузилиб, дарҳол товар етказиб 
беришни талаб қилмайдиган “Муддатли” битим; 2) котировка 
куни тузиладиган ва мавжуд товарларни етказиб беришни 
талаб қиладиган “Реал товар” битими. Тегишли биржаларнинг 
бошқармалари К. бўйича барча маълумотларни видеоалоқа 
каналлари орқали мамлакатдаги ва чет давлатлардаги барча 
мижозларига етказиб туради. Шунингдек, доимий равишда 
биржа бюллетенларини чоп этиб туради.
Валюта котировкаси 
- жорий қонун асослари ва амалий фаолиятдан келиб чиққан 
ҳолда банкларда чет эл валютаси курсининг белгиланиши.