Луғат. Тузувчилар: Абулқосимов Ҳ. П., Абулқосимов М.Ҳ

Дотациялашган нарх
– давлат бюджети ҳисобидан 
махсус арзонлаштирилган нархдир. 
Доу - Жонс индекси
– АҚШнинг етакчи компаниялари 
акциялари курсининг Нью - Йорк биржасидаги ўртача 
кўрсаткич, биржа индикатори. Бу индекс дастлаб 1884йилдан 
“Доу - Жонсэнд компани” фирмаси томонидан 11 компания 
акциялари курси бўйича “Уол стрит жорнэл”да эълон қилиб 
борилган. 1928 йилдан 30 компания акциялари бўйича 
ҳисобланиб, мунтазам матбуотда эълон қилиб бориладиган 
бўлди. Ҳозир Д.Ж.и акциялар курсининг биржа ёпиладиган 
чоғда ҳар кунги ўртача қийматларини кўрсатади, муайян 
вақтдаги акцияларнинг ўртача нархи олдинги нархга 
солиштирилади. Акциялар курси индексининг кўтарилиши 
унинг харидорларини кўпайтиради ёки аксинча. Компаниялар 
акцияларининг курс индексига қараб иқтисодий вазиятга баҳо 
берилади. Д.Ж.и фақат иқтисодий эмас, балки сиёсий вазиятга 
қараб ҳам ўзгариб туради.

 
 
 
 
Е 
Евро
- европа мамлакатлари учун ҳисоб-китоб-тўлов 
бирлиги бўлиб, ЕИга аъзо мамлакатлар ҳудудида ЭКЮ ўрнига 

---

- 109 - 
жорий этилган.Европа Иттифоқи таркибидаги Европа 
иқтисодий ва пул ҳамжамияти аъзолари (Австрия, Белгия, 
Германия, Греция, Ирландия, Испания, Италия, Люксембург, 
Нидерландия, Португалия, Финландия ва Франция)нинг пул 
бирлиги. Ҳалқаро ифодаси EUR 1999 йил 1 январдан 
муомалага чиқарилган. Евро 1999 йил 1 январдан 2002 йил 1 
январга қадар нақд пулсиз тўловларда ишлатилган. Евро 
билан бир қаторда бу мамлакатларнинг миллий пул 
бирликлари ҳам муомалада юрди. Евро муомалага 
киритилиши билан илгари шу мамлакатлар ўртасида халқаро 
тўловларда фойдаланилган экю муомаладан чиқарилди ва 
улар экюнинг сўнги қиймати (1989 йил 31 январь ҳолати) 
бўйича еврога нисбатан тенгма - тенг алмаштирилди. Айни 
пайтда миллий пул бирликларининг еврога нисбатан валюта 
курслари ҳам белгиланди. Масалан, 1Е = 1,95583 немис 
маркаси; 1Е = 1936,27итальян лираси; 1Е = 200,482 португал 
эскудоси ва бошқалар. 2002 йил 1 январдан 5, 10, 20,50, 100, 
200, 500Е. қоғоз банкнотлари, 1,2Е. ва 1, 2. 5. 10.20, 50 цетли 
тангалар муомалага киритилди. Европа иқтисодий ва пул 
ҳамжамиятига аъзл мамлакатларнинг эски миллий пул 
бирликлари муомаласи тўхтатилди. 
Евродолларлар
– Европа хусусий банкларидаги АҚШ 
долларидаги жамғармалар; ривожланган давлатлардаги 
ташкилотлар ва хусусий шахслар томонидан АҚШ 
чегараларидан ташқарида, яъни Европа мамлакатларида 
жойлаштирилган АҚШ долларидаги маблағлар.