Луғат. Тузувчилар: Абулқосимов Ҳ. П., Абулқосимов М.Ҳ

Қисман бандлик (иш билан қисман таъминланганлик
) 
- меҳнатга лаёқатли аҳолининг маълум қисмини тўлиқсиз иш 
билан бандлиги. Қ. б. турли хил шаклларда намоён бўлади. 
Масалан: 1) тўлиқ бўлмаган иш куни; 2) тўлиқ бўлмаган иш 
ҳафтаси; 3) тўлиқ бўлмаган иш ойи, 4) қисқартирилган йиллик 
иш вақтидаги бандлик.
 
Қишлоқ ижтимоий инфратузилма
– одамлар яшаш ва 
турмуш фаолиятининг умумий шароитларини таъминлайдиган 
соҳалар. 
Қишлоқ қурилиш банк акциядорлик тижорат банки
– 
қишлоқ қиёфасини ва қишлоқ аҳолисининг уй - жой шароитларини 
сифатли яхшилаш, қишлоқ жойларда ишлаб чиқариш ва ижтимоий 
инфратузилмани жадал ривожлантириш, уй-жой қурилишини узоқ 
муддатли имтиёзли кредитлаш тизимини кенг жорий этиш 
мақсадида ҳамда “Қишлоқ тараққиёти ва фаровонлиги йили” Давлат 

---

- 426 - 
дастурига мувофиқ 2009 йил 30 мартда Ўзбекистон Республикаси 
Президентининг “Қишлоқ қурилиш банк” акциядорлик тижорат 
банкини ташкил этиш тўғрисида»ги қарорига мувофиқ” «Ғалла-
банк” акциядорлик тижорат банки негизида ташкил этилган. 
“Қишлоқ қурилиш банк” акциядорлик тижорат банкининг устав 
капитали 150 миллиард сўм миқдорида шакиллантирилган. 
Қишлоқ қурилиш инвест ихтисослаштирилган шўъба 
инжиниринг компанияси 
– “Қишлоқ тараққиёти ва фаровонлиги 
йили” Давлат дастурини ижро этиш ҳамда аҳоли пунктларининг бош 
режалар ва архитектуравий режалаштиришни ташкил этиш 
лойиҳаларига мувофиқ тасдиқланган намунавий лойиҳалар бўйича 
якка тартибдаги уй-жой қурилиши кўламини кенгайтириш асосида 
қишлоқ аҳолисининг турар-жой шароитларини тубдан яхшилаш 
мақсадида 2009 йил 3 августдаги Ўзбекистон Республикаси 
Президентининг “Қишлоқ жойларда уй-жой қурилиши кўламини 
кенгайтиришга оид қўшимча чора-тадбирлар тўғрисида”ги Қарорига 
мувофиқ ташкил этилган.