Loyihalar turlari

Tashkiliy strukturalar turlari

Menejmentning tashkiliy tarkibi (strukturasi) deb tashkilot oldiga qo‘ygan maqsadiga erishishdagi zaruriy boshqaruv vazifalarini bajarilishini ta’minlovchi boshqaruv bo‘linmalarining birlashuvini, ular orasidagi o‘zaro munosabatlarini belgilash mumkin. Tashkiliy strukturani shakllantirishga tashkilotning maqsad va masalalari, ishlab chiqarish va boshqaruv vazifalari, ichki va tashqi muhit omillari ta’sir ko‘rsatadi.
Tashkiliy strukturani loyihalashda quyidagi elementlarga e’tibor qaratiladi: bo‘g‘inlar, darajalar, gorizontal hamda vertikal aloqalar.
Boshqaruv bo‘g‘ini bu - tashkilotning alohida yoki erkin boshqaruv idorasidir (ichki bo‘limlar). Bo‘limlar orasida o‘rnatilgan aloqa gorizontal tavsifga ega.
Boshqaruv darajasi - bu boshqaruv ierarxiyasida ma’lum darajani egallagan boshqaruv bo‘g‘inlari yig‘indisidir.
Tashkiliy struktura odamlar faoliyatining samaradorligiga bevosita ta’sir ko‘rsatadi. SHuning uchun tashkilotlarda tashkiliy strukturani tanlash va shakllantirish, rahbarlar faoliyatida eng muhim va zarur elementlardan biri xisoblanadi. Bu masala nafaqat tashkilotlar faoliyatini yangidan boshlaganda, balki faoliyat ko‘rsatayotgan va rivojlanayotgan tashkilotlarda ham hal qilinishi zarur. CHunki, tashqi muhitdagi yohud ichki omillardagi o‘zgarishlar tashkilot strukturasini ularga mos xolda o‘zgartirishni taqozo etadi.