Loyiha titul «Tasdiqlayman»

Geometriya va o‘lchashlar (GO‘)

Yassi va fazoviy geometrik shakllarga doir asosiy tushunchalar, ularning asosiy xossalarini amaliy mazmundagi masalalar yechishda qo‘llay olish, chizma, model va real dunyodagi geometrik shakllarni taniy olish; Geometrik munosabatlar haqida matematik va mantiqiy fikrni rivojlantirish; Koordinatalar sistemasi va boshqa tasvirlash tizimlarida fazoviy munosabatlarni tasvirlash va ularning geometrik o‘rnini aniqlash, sodda geometrik yasashlarni amalga oshirish; Matematik vaziyatlarni tahlil qilishda simmetriya va geometrik shakl almashtirishlardan foydalanish; Isbot qilish metodlari va masalalarni yechish algoritmlaridan foydalanish, masalalar yechish jarayonida asosli matematik mulohazalar yuritish; Masalalarni yechishda geometrik modellashtirish, fazoviy mushohada va vizuallashtirish usullaridan foydalanish; Turli ob’ektlarning o‘lchanadigan elementlarini, o‘lchov birliklarini bilish, o‘lchov tizimlari va jarayonlarining mohiyatini tushunish; O‘lchash jarayonida mos o‘lchov usullari, formulalar, o‘quv qurollari, multimediali interaktiv ilovalar, kalkulyator va o‘lchov asboblaridan foydalanish.