Loyiha O‘zbekiston respublikasi adliya vazirligi toshkent davlat yuridik universiteti

1. Ushlab olish metodlari. 
Yodda saqlang!
Kompyuter axborotlaridan foydalanib jinoyat 
sodir etish usuli deyilganda – axborot tizimida jinoyat sodir etishga 
tayyorgarlik ko‘rish, uni sodir etish va yashirish bilan bog‘liq bo‘lgan 
jinoyatchining spetsifik (o‘ziga xos) harakatlari majmui tushuniladi. 

---

505 
Bevosita ushlab olish - Radio-texnika magazinlaridan sotib olish 
mumkin bo‘lgan mikrafon, radiopriyomnik, diktafon, modem, printer va 
shunga o‘xshash boshqa texnik vositalar kiradi. Bevosita ushlab olish 
metodi ushbu vositalar yordamida telefon tarmog‘i yoki kompyuter 
setlariga ulanish orqali amalga oshiriladi. Unda barcha axborotlar yozib 
boriladi.
2.Elektromagnit ushlab olish
– Ushlab olishning ushbu turidan 
kontakt bilan to‘g‘ridan-to‘g‘ri aloqaga kirishmay, undagi ma’lumotlarni 
ma’lum masofadan turib elektromagnit to‘lqin orqali olishda keng 
foydalaniladi. Jinoyatchilar ko‘p holatlarda ma’lumot olinayotgan 
binodan uncha uzoq bo‘lmagan, ko‘zdan pana joylarda mashinadan turib 
yoki oddiy portfel, sumka ichiga o‘rnatilgan moslama orqali, o‘zlariga 
e’tiborni tortmasdan EHM xotirasidagi ma’lumotlarni osongina qo‘lga 
kiritishi yoki ish jarayondagi holatlarni kuzatib o‘tirishlari mumkin. 
Ushbu vositlardan ko‘p holatlarda markaziy protsessor, displey, telefon, 
printer, mikroto‘lqinli aloqa liniyalari xatto oddiy televizordan 
tarqatilayotgan ma’lumotlarni ushlab olishda ham foydalaniladi.
3. “Juchok”dan foydalanish
- Bu usul muayyan shaxslarning 
og‘zaki so‘zlashuvlarini eshitib turish maqsadida kompyuter yoki 
telekommunikatsiya asbob-uskunalariga mikrafon o‘rnatish orqali 
amalga oshiriladi. Odatda bu metoddan kompyuter tizimi, xodimlar, 
xavfsizlik chora-tadbirlariga oid yoki shunga o‘xshash boshqa 
ma’lumotlarni olishda yordamchi usul sifatida keng foydalaniladi.