Loyiha O‘zbekiston respublikasi adliya vazirligi toshkent davlat yuridik universiteti

14-MAVZU. HODISA JOYINI KO‘ZDAN 
KECHIRISH TAKTIKASI 
 
Hodisa joyini ko‘zdan kechirishning umumiy qoidalari. Hodisa 
joyini ko‘zdan kechirishga tayyorgarlik ko‘rish va uni o‘tkazish 
taktikasi. Hodisa joyini ko‘zdan kechirish natijasini qayd etish. 
 
Hodisa joyini ko‘zdan kechirishning umumiy qoidalari 
Hodisa sodir bo‘lgan joyni ko‘zdan kechirishning 
umumiy 
vazifasi
 
yuz bergan jinoyat voqeasi holatlari, unga daxldor shaxslar va 
ob’ektlar, ularning o‘zaro aloqalari va harakatlari to‘g‘risida faktik 
ma’lumotlarni protsessual yo‘l bilan olishdan iborat.
Ushbu vazifani samarali hal qilish uchun tergovchi:
1) tekshirilayotgan voqea qanday sharoitlarda yuz berganini 
aniqlashi, ularni bayonnomada va texnik-kriminalistik vositalar 
yordamida qayd etishi;
2) jinoyatning moddiy izlarini aniqlashi, qayd etishi va olib 
qo‘yishi;
3) izlar va narsalarning jinoyatchi, jabrlanuvchi va boshqa 
sub’ektlar va ob’ektlar bilan aloqasini aniqlashi;
4) aybdor shaxsni aniqlash, qidirish va fosh etish, boshqa tergov 
harakatlarini 
o‘tkazish, sud ekspertizalarini tayinlash uchun 
boshlang‘ich axborotni to‘plashi lozim. 
Hodisa sodir bo‘lgan joyni ko‘zdan kechirish jarayonida hal 
etiladigan 
maxsus vazifalar
:
a) voqea guvohlari va shohidlarini aniqlash;
b) jinoyatchida, u foydalangan qurol va transport vositalarida 
qolishi mumkin bo‘lgan izlarni aniqlash;
v) ushbu joy ob’ektlari va jinoyat sodir etilgan paytda shu erda 
bo‘lgan shaxslarning aloqasini aniqlash uchun hodisa sodir bo‘lgan 
Esda tuting! Ko‘zdan kechirish
 
–
 
jinoyat izlari va ashyoviy 
dalillarni topish, tekshirilayotgan hodisa sharoitlarini va yuz bergan 
voqeaning boshqa holatlarini aniqlash maqsadida moddiy sharoit 
ob’ektlarini tergovchi tomonidan bevosita kuzatish va tahlil qilishdan 
iborat protsessual harakat.
 

---

193 
joydan olinishi lozim bo‘lgan tuproq, o‘simlik, suv va hokazolarning 
namunalarini belgilash. 
Ko‘zdan kechirishning umumiy va maxsus vazifalarini hal qilish 
O‘zR JPKning 81-82-moddalariga muvofiq isbotlanishi lozim bo‘lgan 
holatlar: tajovuz vaqti, joyi, usuli, uni sodir etgan shaxsning aybdorligi, 
etkazilgan zarar miqdori va hokazolarni aniqlashga ko‘maklashishi 
zarur.