Loyiha matni 49901-(61999)

307-modda. Texnologiyalar transferi markazi
Texnologiyalar transferi markazi texnologiyalar transferini va innovatsion ishlanmalarni
tijoratlashtirishni taʼminlash maqsadida tashkil etilgan yuridik shaxsdir.

---

project.gov.uz
06.06.2022
154
Texnologiyalar transferi markazi faoliyatining asosiy yoʻnalishlari quyidagilardan iborat:
yangi ishlanmalarni ilgari surish tashkiliy-texnikaviy imkoniyatlarini aniqlash boʻyicha bozor
konyunkturasi tadqiqotlarini oʻtkazish;
muhandislik-maslahat va loyiha (injiniring) xizmatlari koʻrsatish;
biznes-rejalar tayyorlash boʻyicha xizmatlar koʻrsatish;
investitsiyalarni jalb qilish;
texnologiyalar transferi bilan bogʻliq axborotni tarqatish.
Texnologiyalar transferi markazini tashkil etish, qayta tashkil etish, toʻxtatib turish va tugatish
ushbu Kodeksda belgilangan tartibda amalga oshiriladi.
308-modda. Investitsiya fondlari
Investitsiya fondlari Oʻzbekiston Respublikasining “Investitsiya va pay fondlari toʻgʻrisida”gi
Qonunida belgilangan talablarga muvofiq investorlarning pul mablagʻlarini jalb etish va ularni
investitsiya aktivlariga qoʻyish maqsadida aksiyalar chiqarishni amalga oshiruvchi yuridik shaxs.
309-modda. Innovatsion klaster
Innovatsion klaster tegishli hududda innovatsiyalarni yaratishda ishtirok etuvchi innovatsion
faoliyat subyektlarining, innovatsion faoliyat natijalari isteʼmolchilarining yigʻindisi sifatida yuridik
shaxs tashkil etmasdan tuziladi va ushbu subyektlarning, isteʼmolchilarning asosiy maqsadi samarali
hamkorlik qilishdan, quvvatlardan birgalikda foydalanishdan hamda bilimlar, koʻnikmalar almashishdan,
shuningdek texnologiyalar transferiga ulushni taʼminlash orqali innovatsion faoliyatni ragʻbatlantirishdan
iborat boʻladi.
Innovatsion klaster faoliyatining asosiy yoʻnalishlari quyidagilardan iborat:
muayyan innovatsiyalarni yaratish, shuningdek bozor ehtiyojlarini qanoatlantirish uchun ilm-fan,
taʼlim va ishlab chiqarish sohasidagi innovatsion faoliyat subyektlarining salohiyatini birlashtirish;
innovatsion klasterlar faoliyatiga taalluqli boʻlgan kadrlarni tayyorlashga va qayta tayyorlashga,
shu jumladan innovatsiyalarni yaratishga doir buyurtmalarni shakllantirish;
yangi yoki yaxshilangan ishlanmalarni ishlab chiqarishga ixtisoslashgan yangi tarmoqlar va
korxonalar tashkil etishga koʻmaklashish;
innovatsion faoliyat natijalarini birgalikda bozorda ilgari surish.
Innovatsion klaster iqtisodiyot ehtiyojlaridan kelib chiqqan holda, innovatsion faoliyat
subyektlarining oʻzaro manfaatdorligi asosida tashkil etiladi va qonunchilikda belgilangan tartibda
ularning qarori boʻyicha tugatiladi.