Loyiha matni 49901-(61999)

298-modda. Qishloq xoʻjaligi ishlab chiqarish xarajatlarini subsidiyalash,
kompensatsiyalar taqdim etish va imtiyozli kreditlar ajratish orqali moliyalashtirishga
koʻmaklashish
Qishloq xoʻjaligi ishlab chiqarish xarajatlarini subsidiyalash, kompensatsiyalar taqdim etish va

---

project.gov.uz
06.06.2022
149
imtiyozli kreditlar ajratish orqali moliyalashtirishga koʻmaklashish quyidagi maqsadlar uchun amalga
oshiriladi:
qishloq xoʻjaligi mahsulotlarini yetishtirishni qoʻllab-quvvatlash;
resurs-tejamkor texnologiyalarni joriy etishni ragʻbatlantirish;
qishloq xoʻjaligini mexanizatsiyalashni qoʻllab-quvvatlash;
qishloq xoʻjaligi mahsulotlarining eksportini ragʻbatlantirish;
naslli chorva va baliqlarni yetishtirishni qoʻllab-quvvatlash;
sugʻorish tizimlari isteʼmol qiladigan energiya xarajatlari qiymatini qoplab berish.
Qonunchilik hujjatlariga muvofiq qishloq xoʻjaligi ishlab chiqarish xarajatlarini subsidiyalash,
kompensatsiyalar taqdim etish va imtiyozli kreditlar ajratish orqali moliyalashtirishga koʻmaklashish
boshqa maqsadlarda ham amalga oshirilishi mumkin.
299-modda. Qishloq xoʻjaligi mahsulotlarining davlat intervension xaridlarini amalga
oshirish
Ichki bozorda qishloq xoʻjaligi mahsulotlari narxlari barqarorligini taʼminlash tadbirlarini amalga
oshirish uchun ayrim turdagi qishloq xoʻjaligi mahsulotlari fyuchers, forvard shartnomalari asosida yoki
birja savdolari orqali erkin narxlarda xarid qilinadi.
300-modda. Axborot-marketing xizmatlari bilan taʼminlash
Axborot-marketing xizmatlari bilan taʼminlash vakolatli davlat organlari tomonidan oʻzlarining
rasmiy axborot resurslari va boshqa vositalar orqali qishloq xoʻjaligi tovar ishlab chiqaruvchilari,
shuningdek qishloq xoʻjaligi mahsulotlarini qayta ishlovchi subyektlarni qishloq xoʻjaligi mahsulotlariga
ichki va tashqi bozorlardagi talab hamda taklif toʻgʻrisidagi, qishloq xoʻjaligida davlat tomonidan taqdim
etiladigan imtiyozlar, qishloq xoʻjaligi mahsulotlarini yetishtirish bilan bogʻliq tavsiyalar va boshqa
axborotlarni taqdim etish orqali amalga oshiriladi.