Loyiha matni 49901-(61999)

project.gov.uz
06.06.2022
85
oʻtkazish toʻgʻrisida xabardor etish boʻyicha belgilangan talablar tatbiq etilmaydi.
183-modda. Davlat nazoratini boshqa qonunchilik hujjatlari bilan tartibga solinishi
Tadbirkorlik subyektlari faoliyatini davlat tomonidan nazorat qilish toʻgʻrisidagi qonunchilik
ushbu Kodeks va boshqa qonunchilik hujjatlaridan iborat.
Soliq organlari tomonidan tadbirkorlik subyektlari faoliyatiga nisbatan amalga oshiriladigan
soliq tekshiruvlarni oʻtkazish tartibining ushbu Kodeks bilan tartibga solinmagan qismi Oʻzbekiston
Respublikasi Soliq kodeksida belgilanadi.
Tabiiy ofatlar, avariyalar, epidemiyalar, epizootiyalar va favqulodda xususiyatga ega boʻlgan
boshqa hollar yuzaga kelishi va bartaraf etilishi, shuningdek favqulodda holat joriy etilgan davr
mobaynida davlat nazoratining amalga oshirilishi, ushbu hollarni bartaraf etishga masʼul boʻlgan
organning (komissiyaning) qarorlariga muvofiq tartibga solinishi mumkin.
184-modda. Asosiy tushunchalar
Ushbu bobda quyidagi asosiy tushunchalar qoʻllaniladi:
nazorat qiluvchi organlar – tadbirkorlik subyektlar faoliyatini davlat tomonidan nazorat qilishga
qonunchilik bilan vakolat berilgan vazirliklar, idoralar, ularning tuzilmaviy boʻlinmalari va boshqa
tashkilotlar;
tekshirish – tadbirkorlik subyektlar tomonidan faoliyati bilan bogʻliq qonunlar hamda boshqa
qonunchilikka rioya etilayotganligini nazorat qiluvchi organlarning bir marta nazorat qilishi;
moliya-xoʻjalik faoliyatini tekshirish – soliq, bojxona va valyuta toʻgʻrisidagi qonunchilikka
rioya etilishi ustidan nazoratni amalga oshirish maqsadida tadbirkorlik subyektlarning buxgalteriya,
moliya, statistika, bank hamda boshqa hujjatlarini oʻrganish va taqqoslash;
tekshiruv dasturi – tadbirkorlik subyektlari faoliyatida oʻtkaziladigan tekshiruvlarning nazorat
savolnomasi.
185-modda. Davlat nazoratining maqsadi
Davlat nazorati tadbirkorlik subyekti tomonidan ishlab chiqarilgan va (yoki) sotilgan tovarlar,
koʻrsatilgan xizmatlar, bajarilgan ishlar ular tomonidan qoʻllaniladigan texnologik jarayonlarni fuqarolar
hayoti va salomatligi hamda atrof-muhit uchun xavfsizligini taʼminlash, shu jumladan tabiiy va energiya
resurslarini tejash, milliy mahsulotlar raqobatbardoshligini oshirish hamda jismoniy va yuridik
shaxslarning huquqlari, erkinliklari va qonuniy manfaatlarini himoya qilish maqsadida amalga oshiriladi.