Loyiha matni 49901-(61999)

72-modda. Davlat unitar korxonasini taʼsis etish xususiyatlari
Davlat unitar korxonalari faqat Oʻzbekiston Respublikasi Vazirlar Mahkamasining qaroriga
binoan tashkil etilishi mumkin.
Davlat unitar korxonalarining taʼsis etilishiga quyidagi holatlarda yoʻl qoʻyiladi:
milliy xavfsizlikni, davlatning mudofaa qobiliyatini yoki jamiyat manfaatlarini himoya
qilishning boshqa imkoniyati boʻlmaganda;
qonunchilikda belgilangan davlat mulkiga egalik qilish mezonlariga mos kelgan davlat mulki
obyektlaridan foydalanishda;
taʼsis etilayotgan davlat unitar korxonasi oʻz faoliyatini davlat monopoliyasiga taalluqli boʻlgan
yoki bitta tovar bozorida 5 tadan kam boʻlgan xususiy tadbirkorlik subyektlari faoliyat yuritib kelayotgan
sohalarda amalga oshirganda;
davlat unitar korxonasini taʼsis etish toʻgʻridan-toʻgʻri qonunda nazarda tutilganda.
Davlat unitar korxonasini tashkil etishda va qayta tashkil etishda Oʻzbekiston Respublikasi
Monopoliyaga qarshi kurashish qoʻmitasining oldindan roziligi olinishi zarur, bundan ushbu moddaning
ikkinchi qismi ikkinchi xatboshisida nazarda tutilgan holat mustasno.
Ushbu moddaning ikkinchi qismida nazarda tutilgan cheklovlarga rioya etilmasdan tashkil

---

project.gov.uz
06.06.2022
30
etilgan davlat unitar korxonalari ular tashkil etilgan kundan boshlab olti oy ichida Oʻzbekiston
Respublikasi Monopoliyaga qarshi kurashish qoʻmitasining talabiga binoan majburiy tartibda tugatilishi
lozim.
Davlat unitar korxonasini majburiy tartibda tugatish talabi bajarilmagan taqdirda, Oʻzbekiston
Respublikasi Monopoliyaga qarshi kurashish qoʻmitasi korxonani tugatish talabi bilan sudga daʼvo
kiritishga haqli.
73-modda. Davlat unitar korxonalari faoliyatini amalga oshirishning oʻziga xos
xususiyatlari
Davlat unitar korxonalari tashkil etilgan sohalari va maqsadlaridan qati nazar raqobatni
cheklovchi toʻgʻridan-toʻgʻri soliq, bojxona va boshqa turdagi imtiyozlar va preferensiyalar berish
taqiqilanadi.
Davlat unitar korxonalari litsenziyalanadigan, ruxsat berish va xabardor qilish tartib-
taomillaridan oʻtish talab etiladigan faoliyat (harakat) bilan shugʻullangan taqdirda, ushbu faoliyatni
(harakatni) Oʻzbekiston Respublikasining “Litsenziyalash, ruxsat berish va xabardor qilish tartib-
taomillari toʻgʻrisida”gi Qonunida belgilangan tartibda amalga oshirishi lozim.
Davlat unitar korxonalarining bazaviy hisoblash miqdori 3 500 baravari va undan yuqori boʻlgan
buyurtmalari davlat xaridlari tartib-taomillaridan oʻtkazmasdan toʻgʻridan-toʻgʻri shartnomalar boʻyicha
xarid qilinishiga yoʻl qoʻyilmaydi, bundan Oʻzbekiston Respublikasining mudofaa qobiliyati va
xavfsizligini taʼminlash boʻyicha buyurtmalar mustasno.
Ushbu Kodeksda hamda Oʻzbekiston Respublikasining Fuqarolik kodeksida nazarda tutilgan
qoidalarga zid boʻlmagan davlat unitar korxonasining huquqiy maqomi, davlat unitar korxonasi, uning
filiallari va vakolatxonalarini tashkil etish va ularning faoliyati xususiyatlarini, muassisning, ijro etuvchi
organning huquq va majburiyatlarini, davlat unitar korxonasi bilan uning muassisi oʻrtasidagi mulkiy
munosabatlarini amalga oshirish tartibi Oʻzbekiston Respublikasi Vazirlar Mahkamasi tomonidan
belgilanadi.