Loyiha matni 49901-(61999)

70-modda. Davlat unitar korxonasi
Davlat unitar korxonasi – davlat mulkidagi, oʻziga operativ boshqarish uchun berilgan mulk
negizida tashkil etiladigan tijorat tashkilotidir, u oʻziga biriktirilgan mulkdan qonunda belgilangan
doirada, oʻz faoliyati maqsadlariga, mulkdorning (yoki uning topshirigʻiga koʻra u vakolat bergan davlat
organi – muassisning) topshiriqlariga hamda egalik qilish huquqidagi mulkning maqsadiga muvofiq
mulkdan foydalanishni va uni tasarruf etishni amalga oshiradi.
Oʻzbekiston Respublikasi Vazirlar Mahkamasi yoki uning tomonidan vakolat berilgan davlat
organlari davlat unitar korxonasining muassisi boʻlishi mumkin.
Davlat unitar korxonasining taʼsis hujjati uning ustavidir. Davlat unitar korxonasining firma
nomi uning davlat unitar korxonasi ekanligini koʻrsatishi kerak.
Davlat unitar korxonasi alohida mol-mulkka, mustaqil balansga, bank hisobvaraqlariga, shu
jumladan valyuta hisobvaraqlariga, ramzi, shtamplari va blankalariga, Oʻzbekiston Respublikasi Davlat
gerbi tasviri tushirilgan, oʻzining firma nomi davlat tilida yozilgan muhrga ega boʻladi. Davlat unitar
korxonasining firma nomida “davlat korxonasi” soʻzlari boʻlishi kerak.
Davlat unitar korxonasi qonunchilik hujjatlarida belgilangan tartibda oʻz nomidan mulkiy va
shaxsiy nomulkiy huquqlarni olishi va amalga oshirishi, majburiyatlar olishi, sudda daʼvogar va javobgar
boʻlishi mumkin.
Davlat unitar korxonasining mol-mulki yetarli boʻlmaganida davlat uning majburiyatlari

---

project.gov.uz
06.06.2022
29
boʻyicha subsidiar javobgar boʻladi.
Davlat unitar korxonasi uni tuzgan davlat organining qaroriga muvofiq qayta tashkil etilishi yoki
tugatilishi mumkin.
71-modda. Davlat unitar korxonasining mol-mulkini tasarruf etish
Davlat unitar korxonasi oʻzlariga biriktirib qoʻyilgan mol-mulkka nisbatan qonunda belgilab
qoʻyilgan doirada, oʻz faoliyatining maqsadlariga, mulkdorning topshiriqlariga hamda mol-mulkning
vazifasiga muvofiq holda egalik qilish, undan foydalanish va uni tasarruf etish huquqlarini amalga
oshiradilar.
Davlat unitar korxonasiga biriktirib qoʻyilgan mol-mulkning mulkdori ortiqcha,
foydalanilmayotgan yoki nooʻrin foydalanilayotgan mol-mulkni olib qoʻyish hamda uni oʻzi xohlagan
tarzda tasarruf etishga haqli.
Davlat unitar korxonasi oʻziga biriktirib qoʻyilgan mol-mulkni uning mulkdorining (yoki u
vakolat bergan davlat organi-muassisning) roziligi bilangina boshqa shaxsga berishga yoki uni boshqacha
usulda tasarruf etishga haqli.
Davlat unitar korxonasi oʻzi ishlab chiqaradigan mahsulotni, agar qonunchilikda oʻzgacha tartib
belgilab qoʻyilgan boʻlmasa, oʻzi mustaqil tasarruf etadi.
Davlat unitar korxonasining daromadlarini taqsimlash tartibi uning mulkdori tomonidan
belgilanadi.