Loyiha matni 49901-(61999)

project.gov.uz
06.06.2022
99
shaxsi ularning butligini va ekspertiza oʻtkaziladigan joyga oʻz vaqtida yetkazilishini taʼminlaydi.
Ekspertiza oʻtkazilgandan soʻng mahsulotning tanlangan namuna va nusxalari tadbirkorlik
subyektining talabiga binoan qaytarilishi lozim.
208-modda. Nazorat qiluvchi organlar mansabdor shaxslarining tekshiruvdagi huquq va
majburiyatlari
Nazorat qiluvchi organlarning mansabdor shaxslari tekshiruv oʻtkazishda oʻz vakolatlari
doirasida quyidagi huquqlarga ega:
tadbirkorlik subyektlaridan tekshiruv predmeti va dasturi bilan bogʻliq qogʻoz va elektron
vositalaridagi hujjatlarni (axborot), ularning nusxalari, yozma tushuntirishlarni, maʼlumotnoma va boshqa
materiallarni soʻrab olish;
tekshiruvning vazifalari va predmetiga muvofiq avtomatlashtirilgan maʼlumotlar bazasidan
(axborot tizimlaridan) foydalanish;
zarurat yuzaga kelgan holatda nazorat qiluvchi organning hisobidan hujjatlardan koʻchirma qilish
va nusxalar olish;
binolarni, jihozlarni va boshqa mol-mulkni koʻzdan kechirish, bundan kameral soliq tekshiruvlari
mustasno, agar ushbu harakatlar tekshiruv bilan bogʻliq boʻlsa;
texnologik jarayonlarni kuzatish, agar tekshiruv texnologik talablarga rioya etish bilan bogʻliq
boʻlsa;
tekshiruv jarayonlari hamda tekshiruv doirasida tadbirkorlik subyektlari vakillarining alohida
harakatlarini tadbirkorlik subyekti faoliyatiga toʻsiqlar yaratmasdan foto-, audio- va video texnika
vositalari yordamida qayd etish;
tekshirilayotgan tadbirkorlik subyektlariga aniqlangan qoidabuzarliklarni bartaraf etish
toʻgʻrisida bajarilishi majburiy boʻlgan koʻrsatmalar berish;
tekshiruv davomida huquqbuzarlik hollari aniqlangan taqdirda qonunchilik hujjatlarida
belgilangan tartibda choralarni koʻrish;
zarur hollarda ekspertiza tayinlash va ekspertlarni shartnoma asosida jalb etish;
tekshiruv uchun zarur boʻlgan miqdorda namunalar (nusxalar) tanlab olish;
obyektiv asoslar mavjud boʻlgan hollarda vakolatli organga tekshiruv muddatlarini uzaytirish,
toʻxtatish va (yoki) koʻchirish yuzasidan buyurtmalar va xabarnomalar kiritish.
Nazorat qiluvchi organlar mansabdor shaxslarining ushbu moddada koʻrsatilgan huquqlariga
muvofiq qonuniy talablari tekshirilayotgan tadbirkorlik subyektlari tomonidan bajarish uchun
majburiydir.
Nazorat qiluvchi organlarning mansabdor shaxslari tekshiruv oʻtkazishda quyidagilarni
bajarishga majburdirlar:
ushbu Kodeks, boshqa qonunchilik hujjatlari, tekshiruv oʻtkazish toʻgʻrisidagi qaror va tekshiruv
dasturiga qatʼiy rioya etgan holda tekshiruvlarni oʻtkazish hamda tadbirkorlik subyekti rahbarini yoki
uning oʻrnini bosuvchi shaxsni tekshiruv oʻtkazish toʻgʻrisidagi qaror (buyruq), tekshiruv dasturi bilan

---