Loyiha matni 49901-(61999)

project.gov.uz
06.06.2022
67
143-modda. Tadbirkorlik subyekti-yakka tartibdagi tadbirkorni davlat roʻyxatidan
oʻtkazish uchun hujjatlarni taqdim etish tartibi
Ariza beruvchilar davlat roʻyxatidan oʻtish uchun respublikaning istalgan joyidagi roʻyxatdan
oʻtkazuvchi organga murojaat qiladi.
Roʻyxatdan oʻtkazuvchi organga oʻzi kelib murojaat qilinganida qogʻoz hujjatlarning asl
nusxalari koʻrsatiladi.
Davlat roʻyxatidan oʻtkazish yuzasidan Yagona portal orqali murojaat qilinganda shakllantirilgan
soʻrovnoma ariza beruvchining elektron raqamli imzosi bilan tasdiqlanadi.
144-modda. Tadbirkorlik subyekti-yakka tartibdagi tadbirkorni davlat roʻyxatidan
oʻtkazishni rad etish
Quyidagilar tadbirkorlik subyekti-yakka tartibdagi tadbirkorni davlat roʻyxatidan oʻtkazishni rad
etish uchun asos boʻladi:
davlat boji toʻlanmaganligi yoki uning toʻliq boʻlmagan miqdorda toʻlanganligi;
ushbu Kodeksning 141-moddasida koʻrsatilgan pasport (identifikatsiyalovchi ID-karta) yoki
boshqa shaxsni tasdiqlovchi hujjatning asl nusxasi taqdim etilmaganligi.
Tadbirkorlik subyekti-yakka tartibdagi tadbirkorni roʻyxatdan oʻtkazish maʼlumotlariga
kiritilayotgan oʻzgartirish va (yoki) qoʻshimchalarni davlat roʻyxatidan oʻtkazishni, davlat roʻyxatidan
qayta oʻtkazishni boshqa asoslarga, shu jumladan maqsadga muvofiq emasligi sabablariga koʻra rad
etishga yoʻl qoʻyilmaydi.
4-§. Tadbirkorlik subyektlarining yagona davlat reyestrini yuritish
145-modda. Tadbirkorlik subyektlarining yagona davlat reyestri mazmuni
Reyestr tadbirkorlik subyektlarini – yuridik shaxslarni tuzish, qayta tashkil etish, faoliyatini
toʻxtatib turish va tugatish toʻgʻrisidagi, jismoniy shaxslar tomonidan yakka tartibdagi tadbirkor, shu
jumladan yuridik shaxs boʻlmagan dehqon xoʻjaligi va oilaviy tadbirkorlik subyekti maqomi olinganligi,
jismoniy shaxslarning yakka tartibdagi tadbirkorlar sifatidagi faoliyatlarini toʻxtatib turishlari va
tugatishlari toʻgʻrisidagi asosiy maʼlumotlarni hamda boshqa axborotni oʻz ichiga olgan, hamma tanishib
chiqishi uchun ochiq boʻlgan davlat elektron axborot resursidir.
Reyestr roʻyxatdan oʻtkazuvchi organlar tomonidan shakllantiriladi va yuritiladi.
Reyestr Oʻzbekiston Respublikasi Adliya vazirligi tomonidan belgilangan shakl boʻyicha Tizim
vositasida elektron koʻrinishda, markazlashtirilgan tartibda yuritiladi.

---