Loyiha matni 49901-(61999)

project.gov.uz
06.06.2022
135
nobank kredit tashkilotlari va lizing kompaniyalarining resurs bazasini shakllantirish;
qimor va tavakkalchilikka asoslangan boshqa oʻyinlarni tashkil qilish, shuningdek, ushbu
maqsadlar uchun uskunalar sotib olish.
Oʻzbekiston Respublikasi Prezidentining qarorlarida ushbu moddaning toʻrtinchi qismida
nazarda tutilgan istisnolarga ham kafillik, kompensatsiya berish nazarda tutilishi mumkin.
Oldin Jamgʻarmaning moliyaviy yordamini olgan shaxs quyidagi holatlarda Jamgʻarmaga
kafillik va (yoki) kompensatsiya olish uchun takroran murojaat qilishga haqli:
amaldagi kafillik shartnomasi boʻyicha shartnoma amal qilgan kredit boʻyicha qarzdorlik toʻliq
qaytarilganda;
amaldagi kompensatsiya shartnomasi boʻyicha shartnoma amal qilgan kredit boʻyicha qarzdorlik
toʻliq qaytarilganda;
kafillik va kompensatsiya taqdim etish toʻgʻrisidagi shartnoma tomonlarning roziligi bilan bekor
qilinganda yoki haqiqiy emas deb topilganda.
Jamgʻarma tomonidan kafillik va kreditlar uchun kompensatsiya berish Oʻzbekiston
Respublikasi Vazirlar Mahkamasi tomonidan belgilangan tartibda amalga oshiriladi.
268-modda. Kafillik turlari
Tadbirkorlik tashabbuslarini qoʻllab-quvvatlash uchun Jamgʻarma tomonidan quyidagilar
boʻyicha kafillik beriladi:
1) aholining ijtimoiy himoyaga muhtoj qatlamlarining tadbirkorlik tashabbuslarini amalga
oshirish uchun kredit miqdorining 50 foizigacha (50 foizi ham shu jumlaga kiradi), biroq bazaviy
hisoblash miqdorining 100 baravaridan ortiq boʻlmagan tijorat banklari kreditlari boʻyicha;
2) tijorat banklarining kreditlari boʻyicha kredit summasining 50 foizigacha (50 foizi ham shu
jumlaga kiradi) miqdorda kafillik berish, biroq bazaviy hisoblash miqdorining 30 000baravaridan ortiq
boʻlmagan tijorat banklari kreditlari boʻyicha;
3) aylanma mablagʻlarini toʻldirish uchun beriladigan kreditlar boʻyicha loyihalar sonidan qatʼi
nazar, ijobiy kredit tarixiga ega boʻlgan tadbirkorlik subyektlariga beriladigan bazaviy hisoblash
miqdorining 38 000 baravaridan oshmagan kredit summasining 75 foizigacha qismi boʻyicha.
Oʻzbekiston Respublikasi Prezidentning qarorlarida tadbirkorlik subyektlariga ushbu moddaning
birinchi qismida nazarda tutilmagan boshqa kafillik turlarini taqdim etish nazarda tutilishi mumkin.