Loyiha matni 49901-(61999)

1-§. Umumiy qoidalar
258-modda. Tadbirkorlikni davlat tomonidan qoʻllab-quvvatlashning asosiy yoʻnalishlari
Tadbirkorlikni davlat tomonidan qoʻllab-quvvatlash quyidagi asosiy yoʻnalishlarda amalga
oshiriladi:
kichik va oʻrta tadbirkorlikni qoʻllab-quvvatlash;
qishloq xoʻjaligi sohasidagi tadbirkorlikni qoʻllab-quvvatlash;
innovatsion faoliyatni qoʻllab-quvvatlash;
maxsus iqtisodiy zonalar ishtirokchilarini qoʻllab-quvvatlash;
investitsiya faoliyatini qoʻllab-quvvatlash;
eksportni va turizmni qoʻllab quvvatlash;
ayollar va yoshlar tadbirkorligini qoʻllab-quvvatlash.
Tadbirkorlikni davlat tomonidan qoʻllab-quvvatlash Oʻzbekiston Respublikasining qonunchilik
hujjatlarida belgilangan hollarda boshqa yoʻnalishlarda ham amalga oshirilishi mumkin.

---

project.gov.uz
06.06.2022
131
259-modda. Tadbirkorlikni davlat tomonidan qoʻllab-quvvatlashning asosiy turlari
Tadbirkorlikni davlat tomonidan qoʻllab-quvvatlash quyidagi asosiy turlarni oʻz ichiga oladi:
1) moliyaviy va mulkiy qoʻllab-quvvatlash;
2) infratuzilma bilan taʼminlash;
3) tadbirkorlikni qoʻllab-quvvatlash va rivojlantirish boʻyicha moliya institutlarini, tadbirkorlik
sohasidagi muammolarni oʻrganish va takliflar ishlab chiqish uchun ilmiy-tadqiqot institutlarini yaratish
va rivojlantirishdan iborat institutsional koʻmak;
4) tadbirkorlikni axborot-tahliliy, oʻquv-uslubiy, ilmiy-uslubiy taʼminotdan iborat axborot
taʼminoti.
Tadbirkorlikni davlat tomonidan qoʻllab-quvvatlash Oʻzbekiston Respublikasining qonunchilik
hujjatlarida belgilangan boshqa turlarida ham amalga oshirilishi mumkin.
2-§. Tadbirkorlikni moliyaviy va mulkiy qoʻllab-quvvatlash
260-modda. Moliyaviy va mulkiy qoʻllab-quvvatlashning turlari
Tadbirkorlikni moliyaviy va mulkiy qoʻllab-quvvatlash quyidagilar orqali amalga oshiriladi:
tovarlarni kafolatlangan hajmda sotib olish;
byudjet ssudalari va kredit liniyalari berish;
davlat subsidiyalarini berish;
iqtisodiyot sohasidagi ijtimoiy jihatdan ahamiyatga molik loyihalarni grant asosida
moliyalashtirish;
tadbirkorlik tashabbuslariga kafilliklar berish, tijorat banklaridagi kreditlar boʻyicha foiz
xarajatlarini kompensatsiya qilish shaklida qoplab berish.