Лойиҳани асослаш (мазмуни)

4.9. Лойиҳа натижаларининг тижоратлаштириш салоҳияти (имконияти, даражаси) (бунда тадқиқот натижаси қандай тижоратлаштирилиши (ижтимоий-гуманитар фанлар соҳасида амалий мақсадларда қўлланилиши натижасида қандай ижтимоий самара олиниши), қўлга киритиладиган янги илмий ишланманинг тижорат салоҳияти аниқ баҳоланиши, фундаментал тадқиқотларда эса лойиҳа натижалари келгусида илмий ишланмаларни тижоратлаштириш учун асос бўлиб хизмат қилиши, шунингдек, асосланган тижоратлаштириш режаси келтирилиши, яратиладиган янги илмий ишланма (технология) асосида маҳсулот/хизмат ишлаб чиқаришнинг ресурс/хом-ашё базасининг ва зарур инфратузилманинг (илмий лаборатория, келгусида сериялаб ишлаб чиқариш учун ишлаб чиқариш базаси) мавжудлиги асослаб берилиши лозим, 1000 та сўздан ошмаслиги лозим):
Лойиҳа бажарилишидан олинган натижалар асосида таркибида тикланган ва тутиб қолинган рухни гидрометаллургик усулда кайта ишланиб тоза металл ҳолда ажратиб олинади шунингдек чанг таркибидаги темир оксидлари печдаги тикловчи муҳит ҳисобига металлик кўринишгача тикланади ва “клинкер” деб номланадиган маҳсулотни ҳосил қилади ва бу маҳсулотни пўлат эритишда хомашё сифатида қўллаш имконияти пайдо бўлади. “Узметкомбинат” АЖ корхоналарида ишлаб чиқаришга тадбиқ қилиш бўйича тавсиялар берилади ва саноатда қўлланилади. Ўзбекистон Республикасида рух ва темирни қўшимча хомашё заҳираси яратилади, ҳамда рух ва темирни ишлаб чиқаришда ўсишга эришилади.
4.10. Лойиҳани амалга ошмаслик хавфи таҳлили, уни баҳолаш ва камайтириш усуллари.
Лойиҳанинг мақсадига эриша олмаслик, шу жумладан унинг бажарилмай қолиши билан боғлиқ барча эҳтимолликлар ўрганилган, шунингдек тадқиқотни амалга ошириш ва натижаларни қўлга киритишга салбий таъсир кўрсатувчи омиллар мавжуд эмас.
4.11. Қўшимча маълумотлар (бунда зарур ҳолларда, тадқиқотни амалга ошириш ва натижаларни қўлга киритиш билан боғлиқ бошқа маълумотлар келтирилиши мумкин (300 та сўздан ошмаслиги лозим):
Бирламчи тадқиқотлар натижасида Рух сақловчи пўлат эритиш чанглар таркибида рух ва темирни миқдори сезиларли даражада мавжудлиги аниқланган ва қайта ишлаш технологиялари бўйича адабиётлар таҳлили қисман ўрганилган. Узметкомбинат АЖ дан чанг намуналари олиб келиниб, уларни тадқиқотга тайёрлаш (майдалаш, янчиш, гранулалаш) операциялари ўтказилган. Чангни физик-кимёвий хоссаларини ўрганиш бўйича турдош илмий тадқиқот институтлари ва лабораториялар билан дастлабки келишувга эришилган.
“Узметкомбинат” АЖ ушбу лойиҳани амалга оширишда зарур лаборатория асбоб-ускуналари ва материаллари билан таъминлаш, зарур таҳлилларни ўтказиш ва мутахассисларга маслаҳат бериш, шунингдек, технологияни саноат шароитида синовдан ўтказиш учун зарур илмий-техник ёрдам кўрсатиш орқали ҳар томонлама ёрдам беради. “Узметкомбинат” АЖ раҳбарияти техник-иқтисодий талабларга жавоб берадиган натижаларни олгандан сўнг, иш натижаларини комбинатнинг тегишли бўлинмаларида жорий етиш масаласини кўриб чиқади. Бу бўйича “Узметкомбинат” АЖ корхонасидан қўллаб-қувватлаш хати олинган.


Лойиҳа раҳбари Д.Б.Холикулов


Ташкилот раҳбари А.У.Самадов
Ташкилот муҳри