Лойиҳа матни 70883-(71593)

project.gov.uz
28.11.2022
3
коммуникацияларини ривожлантириш вазирлиги ишлаб чиқади.
9. Соғлиқни сақлаш вазирлиги ўқув курсларида таҳсил олаётган тингловчиларга ўқиш
даврида тиббий хизматларни бепул кўрсатиш мақсадида “Истеъдодли ёшларни қўллаб-қувватлаш
“Улуғбек” жамғармасининг махсус жиҳозланган хонасига тиббиёт ходимларини ажратсин.
10. Ўзбекистон Миллий ахборот агентлиги, Ўзбекистон Миллий телерадиокомпанияси,
Ахборот ва оммавий коммуникациялар агентлиги ушбу қарорнинг мақсади, вазифалари ва ундан
кутилаётган натижаларни оммавий ахборот воситалари, Интернет ва ижтимоий тармоқларда кенг
ёритиш ишларини ташкил қилсин.
11. Вазирлар Маҳкамасининг “Истеъдодли ёшларни қўллаб-қувватлаш “Улуғбек”
жамғармаси фаолиятини ривожлантириш чора-тадбирлари тўғрисида” 2022 йил 18 январдаги 30-
сон қарорига 2-иловага мувофиқ ўзгартиришлар киритилсин.
12. Мазкур қарорнинг бажарилишини назорат қилиш Ўзбекистон Республикаси ахборот
технологиялари ва коммуникацияларини ривожлантириш вазири Ш.Х. Шерматов ҳамда Вазирлар
Маҳкамасининг Ёшларни қўллаб-қувватлаш ва жамоат ташкилотлари масалалари котибиятига
юклансин.
Ўзбекистон Республикасининг 
Бош вазири А. Арипов

---

project.gov.uz
28.11.2022
4
Вазирлар Маҳкамасининг
2022 йил “___” _______даги ____-сон қарорига
1-ИЛОВА
Истеъдодли ёшларни қўллаб-қувватлаш “Улуғбек” жамғармаси ҳузуридаги “Мирзо
Улуғбек ворислари” ўқув курсларига иқтидорли тингловчиларни танлов асосида қабул
қилиш
ва уларни ўқитиш тўғрисидаги
НИЗОМ
1-боб. Умумий қоидалар
1. Ушбу Низом Ахборот технологиялари ва коммуникацияларини ривожлантириш
вазирлиги, Истеъдодли ёшларни қўллаб-қувватлаш “Улуғбек” жамғармаси ва Тошкент шаҳридаги
Инха университети ҳамкорлигида ташкил этилаётган “Мирзо Улуғбек ворислари” ўқув
курсларига иқтидорли тингловчиларни танлов (кейинги ўринларда — Танлов) асосида қабул
қилиш ва уларни ўқитиш тартибини белгилайди.
2. “Мирзо Улуғбек ворислари” ўқув курсларининг (кейинги ўринларда – Ўқув курслари)
биринчи ўқув йилида камида 60 нафар тингловчи қабул қилинади, кейинги йилларда
тингловчилар сони эҳтиёждан келиб чиқиб ошириб борилади.
Ўқув курслари қуйидаги йўналишларда ташкил этилади:
- ахборот технологияларидан ва коммуникацияларидан фойдаланиш (бошланғич);
- математик статистика;
- алгоритмлаш асослари;
- маълумотларни қайта ишлаш;
- дастурлаш тиллари (Phthon);
- инглиз тили;
- қарор қабул қилиш асослари;
- жамоа бўлиб ишлаш ва бошқа йўналишлар.
3. Ўқув курсларини муваффақиятли тамомлаган тингловчиларга тегишли йўналиши
бўйича давлат намунасидаги сертификат берилади.
4. Ўқув курсларига ўқишга кириш учун тақдим этиладиган ҳужжатлар, тест синовлари
ҳамда суҳбат жараёнлари давлат тилида амалга оширилади.
5. Ўқув курсларига тингловчилар барча учун тенг ҳуқуқлилик, ягона қабул қоидалари ва
ягона танлов тамойиллари асосида қабул қилинади.
6. Ўқув курсларига қабул қилинган республика ҳудудларидаги давлат олий таълим
муассасалари талабаларининг ўқишини мос ва турдош йўналишларда Тошкент шаҳрида
жойлашган давлат олий таълим муассасаларида академик мобиллик асосида ўқишини ташкил
этиш Олий ва ўрта махсус таълим вазирлиги томонидан мувофиқлаштирилади.

---