Лойиҳа матни 70883-(71593)

Учинчи босқич – суҳбат:
Суҳбат Комиссия аъзолари томонидан ўтказилади.
Комиссия аъзолари номзодларни Ташкилотчилар томонидан учинчи босқич учун тақдим этилган,
олдиндан ишлаб чиқилган саволлар асосида ўтказади.
Бунда, суҳбат натижаларини баҳолаш мезонлари Комиссия томонидан танлов
бошланишидан олдин тасдиқланади.
14. Комиссия томонидан суҳбат қилинган энг кўп балл тўплаган 60 нафар номзод
тингловчи сифатида Ўқув курсларига қабул қилинади ва бепул таҳсил олади.
15. Танловнинг ҳар бир босқичи бўйича ғолиблар ҳақидаги маълумот босқич
якунлангандан сўнг икки ҳафта ичида Ташкилотчиларнинг расмий веб-сайтлари ва ижтимоий
тармоқлардаги расмий саҳифаларида эълон қилинади.
16. Танловнинг ҳар бир босқичи бўйича натижалар Комиссия томонидан баённома билан
тасдиқланиб, Ташкилотчиларнинг масъул вакилига тақдим этилганидан сўнг якуний (ҳал қилувчи
аҳамиятга эга) ҳисобланади ва Комиссия қарори бўйича Ташкилотчилар изоҳ бермайди.
17. Танлов ғолиблари ва уларнинг салоҳияти тўғрисидаги маълумотлар Комиссия
баённомасида кўрсатилади ва унинг аъзолари томонидан имзоланади.
18. Танлов натижалари юзасидан номзодларнинг аризаларини кўриб чиқиш учун
“Улуғбек” жамғармаси директорининг буйруғига асосан Аппеляция комиссияси ташкил этилади.
Апелляция комиссиясига шикоятлар кириш танлов натижалари эълон қилинган кундан
бошлаб, беш иш куни мобайнида Апелляция комиссияси раиси номига номзодлар томонидан
ариза билан берилиши мумкин.
Апелляция комиссияси тақдим этилган аризаларни улар келиб тушган кундан бошлаб уч
кундан ошмаган муддатда кўриб чиқади.

---

project.gov.uz
28.11.2022
7
Ўқув курсларига кириш синовларини қайта топшириш тақиқланади.
3-боб. Ўқув курсларида таҳсил олиш тартиби
19. Танловнинг якуний босқичи ғолиблари тўғрисида маълумот Ташкилотчилар
томонидан 10 иш куни ичида эълон қилинади.
20. Ўқув курсларига қабул қилинган республика ҳудудларидаги давлат олий таълим
муассасалари талабаларининг ўқишини мос ва турдош йўналишлар бўйича (мутахассислиги ва
йўналиши бўйича кредит рейтинг тизимига мос келувчи) Тошкент шаҳрида жойлашган давлат
олий таълим муассасаларида академик мобиллик асосида ташкил этиш чоралари кўрилади.
21. Танловнинг учинчи босқич ғолиблари Истеъдодли ёшларни қўллаб-қувватлаш
“Улуғбек” жамғармаси, Ахборот технологиялари
ва коммуникацияларини ривожлантириш вазирлиги ҳамда тегишли вазирлик ва идоралар
ҳамкорлигида ташкил этиладиган Ўқув курсларида ўқиш учун қабул қилинади.
22. Ўқув курсларида юқори натижа кўрсатган ва инглиз тили бўйича камида С1
даражадаги миллий ёки унга тенглаштирилган мос даражадаги халқаро тан олинган сертификатга
эга битирувчилар хорижий стажировкага грант шартномаси асосида юборилиши мумкин.