Лойиҳа матни 48576-(51956)

28-modda. Davlat tashkilotlarining odob-axloq komissiyalari
Ushbu Kodeks qoidalariga rioya etilishini ta’minlash maqsadida davlat tashkilotlarida davlat
xizmatchisi orasidan (davlat tashkiloti rahbari bundan mustasno) kamida besh kishidan iborat tarkibda
odob-axloq komissiyasi tuziladi.
Odob-axloq komissiyaning asosiy vazifalari quyidagilar hisoblanadi:
davlat xizmatchisi tomonidan ushbu Kodeks qoidalariga rioya etish masalalarini ko'rib chiqish;
ushbu Kodeksning qoidalariga rioya etish bo‘yicha chora-tadbirlar rejasini ishlab chiqish;
xizmat tekshiruvi natijalari asosida davlat xizmatchisi tomonidan ushbu Kodeks normalarida
belgilangan talablar buzilishi holatlari to‘g‘risida xulosani ko‘rib chiqish va bu haqdagi huquqbuzarliklar
to'g'risida tegishli xulosani tayyorlash;

---

project.gov.uz
13.12.2021
12
manfaatlar to‘qnashuvi boshqaruvining qoidalariga rioya etilishini monitoring qilish;
rahbariyatga ogohlantirish, intizomiy yoki boshqa jazo choralarini ko‘rish to‘g‘risida taklif
kiritish;
ushbu kodeksni takomillashtirish bo‘yicha takliflar ishlab chiqish;
ushbu Kodeks talablariga rioya qilish holati bo'yicha yillik hisobotlarni tayyorlash davlat
tashkilotning rasmiy veb-saytiga joylashtirish.
Odob-axloq komissiyalari qonunchilik hujjatlariga muvofiq boshqa vakolatlarni ham amalga
oshirishi mumkin.
29-modda. O'zbekiston Respublikasi Prezidenti huzuridagi Davlat
xizmatini rivojlantirish agentligi
O‘zbekiston Respublikasi Prezidenti huzuridagi Davlat xizmatini rivojlantirish agentligi o'z
vakolatlari doirasida:
davlat xizmatiga kiruvchi davlat tashkilotlariga ular tomonidan qabul qilgan ichki idoraviy odob-
axloq qoidalarini takomillashirish bo'yicha takliflar kiritadi;
davlat xizmatiga kiruvchi davlat xizmatchisi tomonidan ushbu Kodeks talablariga rioya etilishi
ustidan monitoring qiladi va ularning natijasi bo‘yicha xulosalar va qarorlarni bekor qilish bo'yicha
taqdimnoma kiritadi;
davlat xizmatiga kiruvchi davlat tashkilotlarining odob-axloq komissiyalari faoliyatini tahlil
qiladi;
mazkur Kodeks qoidalariga rioya etilishi to‘g‘risida yillik hisobot tayyorlaydi va uni O‘zbekiston
Respublikasi Oliy Majlis palatalariga taqdim etadi;
ushbu sohadagi muammolarni bartaraf etish bo'yicha takliflar ishlab chiqadi;
O'zbekiston Respublikasi Prezidenti huzuridagi Davlat xizmatini rivojlantirish agentligi
Qonunchilik hujjatlarida belgilangan boshqa vakolatlarni amalga oshirishi mumkin.