Лойиҳа матни 17727-(18047)

65-модда. Интизомий жазоларни қўллаш муддатлари
Интизомий жазо ножўя хатти-ҳаракат аниқланган кундан узоғи билан бир ой ичида қўлланилади
Давлат фуқаролик хизматини обрўсизлантиришга қаратилган интизомий ножўя хатти-ҳаракат
учун интизомий жазо, ножўя хатти-ҳаракат аниқланган кундан эътиборан уч ойдан кечиктирмай
қўлланилади.
Жиноий иш ёки маъмурий ҳуқуқбузарлик бўйича ишнинг тугатилганлиги, аммо шахснинг хатти-
ҳаракатларида давлат фуқаролик хизматини обрўзсизлантиришга қаратилган интизомий ножўя
хатти-ҳаракатлар аломатлари аниқланганда, жиноий ишни ёки маъмурий ҳуқуқбузарлик бўйича
ишнинг тугатиш ҳақидаги қарорнинг қабул қилинишидан эътиборан уч ой ичида, лекин мазкур
ножўя хатти-ҳаракат содир этилгандан сўнг кўпи билан бир йил ичида қўлланилади.
Интизомий жавобгарликка тортиш муддатларига жиноят ишини юритиш ёхуд маъмурий ишини
юритиш муддатлари кирмайди.
Жазо қуйидаги даврларда қўлланилиши мумкин эмас:
давлат фуқаролик хизматчисининг вақтинча меҳнатга қобилиятсизлик даври;
давлат фуқаролик хизматчисининг таътил ва хизмат сафарида бўлган даври;
давлат фуқаролик хизматчисининг давлат ва жамият мажбуриятларини бажариш даврида ўзининг
хизмат вазифаларини бажаришдан озод этилган даври;
давлат фуқаролик хизматчисининг ўқиш ёки стажировка ўташ даври;
давлат фуқаролик хизматчиси томонидан содир этилган интизомий ножўя хатти-ҳаракат ҳақидаги
давлат органи ва ташкилотларининг ҳужжатлари устидан суд тартибида шикоят қилинганида.

---

project.gov.uz
11.03.2022
33
Интизомий жазони қўллаш муддати мазкур модданинг бешинчи қисмида белгиланган ҳолатларда,
ҳамда жиноят иши тугагунга қадар ёки суднинг
ҳал қилув қарори қонуний кучга киргунга қадар тўхтатилади.
Агар давлат фуқаролик хизматчиси интизомий жазо қўллангандан кейин бир йил муддат ичида
яна интизомий жазога тортилмаса, у интизомий жазо олмаган деб ҳисобланади.
Интизомий жазони қўллаган, мазкур жазони қўллаш ҳақида қарор қабул қилган шахс (раҳбар)
томонидан муддат ўтмасдан олдин ҳам олиб ташланиши мумкин.