Лойиҳа матни 17727-(18047)

64-модда. Давлат фуқаролик хизматчисига интизомий жазо қўллаш шартлари ва тартиби
Мазкур Қонуннинг 64-моддасида белгиланган интизомий жазоларни қўллаш интизомий хатти-
ҳаракатнинг оғирлик даражасига боғлиқ.
Давлат фуқаролик хизматчисининг фаолияти самарадорлиги асосий кўрсаткичларини пасайишига
олиб келмаган ва давлат органи ва ташкилотига, жисмоний ва юридик шахсларга зарар етказмаган
интизомий ножўя хатти-ҳаракатларни содир этганлик учун қоида тариқасида хайфсан эълон
қилинади.
Давлат фуқаролик хизматчисининг фаолияти самарадорлиги асосий кўрсаткичларини пасайишига
олиб келган ёки давлат органи ва ташкилотига, жисмоний ва юридик шахсларга зарар етказган
ёҳуд ҳайфсан эълон қилинганидан кейин такрорий интизомий ножўя хатти-ҳаракатларни содир
этганлик учун хизматга тўлиқ муносиб эмаслигини эълон қилиш тарзида интизомий жазо
қўлланилади.
Давлат лавозимида пасайтириш туридаги интизомий жазо давлат фуқаролик хизматчисига
нисбатан ўзининг лавозимига совуққонлик билан қараш ёки нокомпетентлиги оқибатида
фаолияти самарадорлиги асосий кўрсаткичларини тизимли равишда бажармаслик, давлат органи
ва ташкилотига, жисмоний ва юридик шахсларга зарар етказган қўпол интизомий ножўя хатти-
ҳаракат содир этганлик ёхуд хизматга тўлиқ муносиб эмаслигини эълон қилиш тарзида интизомий
жазо қўлланилгандан кейин такрорий интизомий ножўя хатти-ҳаракатларни содир этганлик учун
қуйи бўш лавозим мавжуд бўлган тақдирда қўлланилади.
Икки ҳисобот даврида фаолияти самарадорлиги асосий кўрсаткичларини тизимли равишда
бажармаслик, давлат органи ва ташкилотига, жисмоний
ва юридик шахсларга анча миқдорда зарар етказган интизомий ножўя

---

project.gov.uz
11.03.2022
32
хатти-ҳаракат содир этганлик ёҳуд хизматга тўлиқ муносиб эмаслигини эълон қилиш тарзида
интизомий жазо қўлланилгандан кейин бир неча интизомий ножўя хатти-ҳаракатларни содир
этганлик учун давлат фуқаролик хизматчиси
ўз лавозимидан бўшатилиши мумкин.
Икки ҳисобот даврида фаолияти самарадорлиги асосий кўрсаткичларини тизимли равишда
бажармаслик учун давлат фуқаролик хизмати масалалари бўйича ваколатли давлат органи қарори
билан давлат фуқаролик хизматчиси малака мартабаси пасайтирилиши мумкин.
Интизомий ножўя хатти-ҳаракат содир этган давлат фуқаролик хизматчилари, интизомий жазо
қўлланилганлигига қарамай, шахсий устама ҳақ ва бошқа рағбатлантириш тўловларидан маҳрум
этилиши мумкин.
Интизомий жазо чоралари:
давлат органи ва ташкилоти раҳбари томонидан қўлланилади;
бир ножўя хатти-ҳаракат учун такроран қўлланилиши мумкин эмас, агар бирични интизомий
чораси қонуний қўлланилган ва интизомий жазо чораси ножўя хатти-ҳаракатнинг оғирлигига
мувофиқ бўлган бўлса.
Давлат фуқаролик хизматчиси томонидан содир этилган интизомий ножўя хатти-ҳаракат ҳақидаги
давлат органи ва ташкилотларининг ҳужжатлари устидан давлат фуқаролик хизмати масалалари
бўйича ваколатли органга ёки суд тартибида шикоят қилиниши мумкин.