Логопсихология ва психологик коррекция методларининг назарий ва методологик асослари

ЛОГОПСИХОЛОГИЯ


Логопсихология ва психологик коррекция методларининг назарий ва методологик асослари.
Режа:

1. 
   Логопсихология фанининг предмети, мақсад ва вазифалари
   
2. 
   Логопсихология фанининг бошқа фанлар билан алоқаси
   
3. 
   Логопсихология фанининг тамойиллари
   

Таянч сўзлар: логопсихология,коррекция, интонация, темп, ритм, психокоррекция, паралингивистик, фонация, мимика, сенсор ва жисмоний контакт, нутқ нуқсонлари.


Логопсихология фанининг предмети, мақсад ва вазифалари
Логопсихология махсус психологиянинг бир бўлими бўлиб, нутқ нуқсони мавжуд болалар руҳияти ва бу нуқсонни психокоррекцияси жараёни тамойилларида, коррексион-тарбия жараёнида ҳисобга олиниши кўзда тутилган шахсий сифат ва хусусиятларининг ўзига хослиги кузатилади. Логопсихология махсус психологиянинг асосий таркибий қисми сифатида логопедия ва психологиянинг замонавий ютуқлари асосида такомиллашиб бормоқда. Логопсихологиянинг коммуникатив консепсияга ўтиши нутқий фаолиятнинг паралингвистик воситаларини (интонация, темп, модуляция, фонация), мулоқотнинг компоненти (мимика, имо-ишора, тўғридан-тўғри сенсор ва жисмоний контактлар), коммуникасия жараёнининг турли шаклларини чуқур ва пухта ўрганиш, тадқиқ этиш имкониятини беради.Бу таҳлил инсонлар муносабатининг психологик ва ижтимоий-психологик даражасига таъсир кўрсатади.Логопсихология фани махсус психологиянинг янги тармоғи ҳисобланади. Нутқида камчилиги бўлган болалар психик ривожланишнинг ўзига хос хусусиятларини акс эттирувчи бир қатор маълумотлар йиғилди. Нутқ нуқсонини ўрганувчи олимлар Л.Р.Мўминова, М.Ю.Аюпова, Р.Шомахмхмудова, Х.М.Пўлатова, Д.А.Нуркелдиева, М.П.Хамидова, З.М.Ахмедова ва бошқалар ўз диққатларини нутқ нуқсонларининг механизмлари сабаблари, аломатлари ва бартараф этиш усулларининг илмий-методик асосларини яратишган. Нутқида нуқсони бўлган болалар психик ривожланишини ўрганишга эса кам аҳамият берганлар. Нутқида нуқсони бўлган болалар руҳий ривожланишининг ўзига хос хусусиятлари, турли хил нутқ бузилишлари бўлган болалар билан коррексион-логопедик ишларни олиб бориш давомида ҳар бир нутқ камчиликларига айнан ўзигагина хос бўлган руҳий жараёнларни ва хусусиятларни ўрганиш логопсихология фанининг асосий мақсадидир. Логопсихологиянинг объектти –туғма ёки орттирилган нутқида нуқсони бўлган болалар.