Логопсихология ва психологик коррекция методларининг назарий ва методологик асослари

Логопсихологиянинг вазифалари:
Нутқида турли нуқсони бўлган шахсларнинг психик ривожланиш хусусиятларини ўрганиш;нутқида нуқсони бўлган болаларнинг билиш фаолиятидаги камчиликларни коррекциялаш, бартараф этиш;нутқ нуқсонларининг дифференсиал диагностик методларини ишлаб чиқиш;нутқ нуқсонларида ҳиссий-иродавий соҳаси ва шахслараро муносабатлардаги камчиликларни бартараф этиш методларини ишлаб чиқиш;нутқ нуқсонига эга шахсларнинг билиш фаолиятидаги ва ҳиссий-иродавий соҳасидаги камчиликларини олдини олиш учун мўлжалланган тадбирларни ишлаб чиқиш.
Нутқ бузилишлари билан физиологлар, невропатологлар, логопед, психолог ва лингвистлар шуғулланадилар.Л.С.Виготский фикрича, нутқий фаолиятни физиологик жараён сифатида ўрганиш мақсадга мувофиқдир. Коммуникатив назариянинг нуқтаи назаридан эса нутқ бузилиши – вербал коммуникасиянинг бузилишидир. Логопсихологияда коммуникасияга тизимли ёндошув қуйидагиларга мосланади:

• 
  Коммуникатив тизимнинг функсияси назариясига;
  
• 
  Коммуникатив фаолият таҳлили назариясига;
  
• 
  Коммуникатив назария қобилиятларини ривожлантиришнинг тизимли-генетик назариясига.
  

Бу назариялар қуйидаги тамойилларга асосланади:

• 
  Мулоқот жараёнининг ижтимоий-психологик адаптасияси, коммуникатив жараённи ўтказишни тизимли ташкил этиш;
  
• 
  Коммуникатив фаолиятнинг юқори даражаси, нутқий-фикрлаш жараёнларининг функсионал бутунлиги, коммуникасия жараёнида тизимлараро муносабатлар;
  
• 
  Коммуникатив тизим, коммуникатив қобилият тизими генезиси мулоқотнинг индивидуал услублари дифференсиасияси;
  
• 
  Логопсихология фанига боғлиқ ҳолда шарт-шароитларнинг мавжуд бўлиши;
  
• 
  Нутқий бузилишларни бир қатор текширишлари учун психодиагностик тизим;
  
• 
  Нутқий бузилишлар реабилитасияси учун психокоррексион технологияларни яратиш, мулоқотнинг эмотсионал, нутқий экспрессив, коммуникатив, ижтимоий адаптасиясини ривожлантириш;
  
• 
  Ривожланишда нуқсони мавжуд болаларни ривожланишининг турли босқичларида психологик-педагогик тизим таъсирини, сенсор консепсиясини, иккиламчи нуқсонларнинг профилактикасини амалга ошириш.