Logopedik ritmika

V. Ifodali harakatlar ko‘nikmasini tarbiyalash
.
Musiqa ostida ritmik yurish, sochilib 
yugurish, qarsak chalish, oyoqlar bilan to‘pillatish, qo‘l panjalarini aylantirish, bir tomonga o‘z 
atrofida burilishlar va boshqalar. 
Logopedik bosqichning oxiriga kelib bolalarni erkin raqslarda harakatlarni ifodali
bajarishga, oddiy qo‘shiqlarni sahnalashtirishga olib kelish kerak. Qo‘l, oyoq, bo‘yin, yelka 
kamari relaksatsiyasi mashqlari harakatlarning ifodaliligiga imkon beradi.
VI. Fazoviy mo‘ljal olishni tarbiyalash
.
Bir kishi, ikki kishi, sochilib, bir birining 
ketidan, teskari yo‘nalishda yurish, oddiy raqs harakatlarini bajarish.
VII. Ritmni, tempni, tovush qattiqligini his qilishni, ashula aytish paytida pauzani 
uddalashga rioya qilishni tarbiyalash.
Kattalarning ashula aytishiga sozlanish yo‘li bilan ashula 
aytish ohangini shakllantirish; musiqiy iboralarning oxirini xirgoyi qilish.
Logopedik bosqichning o‘rtalarida bolalar logoped bilan birgalikda va 
mustaqil pastlashib boruvchi katta tersiyaning takrorlanuvchi oralig‘ida qurilgan har 
bir kupletning oxirgi ikkita iborasini kuylaydilar. Yil oxirida kattalarning ovoziga 
sozlanib bolalar qisqa iboralari bo‘lgan oson qo‘shiqlarni kuylaydilar. Bu kuylashlar 
cholg‘u asboblari jo‘rligida ijro etiladi. O‘rganayotgan qo‘shiqlarini turlicha
vaziyatlarda logopedik va tarbiyaviy mashg‘ulotlarda, yangi o‘yinni, o‘yinchoqni 
ko‘rsatish paytida va boshqalar, hamda uy sharoitida tez-tez takrorlashlari kerak. 
VIII. Musiqiy ritmni his qilishni tarbiyalash
.
Yurish, chopish, sakrash, oson 
bo‘lgan raqslar, raqslar, xorovodlar. 
IX. Qo‘l motorikasini tarbiyalash
:
Sekinlashgan va odatdagi tempda 
o‘tkaziladi. Turli tusdagi musiqa ostida o‘tkaziladi. Masalan, ohista musiqani eshita 
turib qo‘g‘irchoqni tebratish; quvnoq raqs musiqasini eshita turib qarsak chalish; 
ovozga taqlid qilib pedagogning orqasidan takrorlash, mushukchani (o‘yinchoq) silab 
qo‘yish; marsh ovozi ostida bayroqchalarni g‘ayrat bilan silkitish; qo‘l tirsaklarini 
bukib aylanma harakatlarni musiqa bilan moslikda bajarish; pedagogning qushcha 
haqidagi qo‘shig‘i ostida galma-galdan bitta qo‘lning barmoqlari bilan ikkinchi 
qo‘lning kaftlariga taqillatish («qushchani ovqatlantiramiz») va boshqalar.