%link-5-changed: Interface GigabitEthernet0/0, changed state to up

L2TP protokolining kamchiligi sifatida quyidagilarni ko‘rsatish mumkin:
- L2TP protokolini amalga oshirishda ISP provayderlarning madadi zarur;
- L2TP trafikni tanlangan tunnel doirasida chegaralaydi va foydalanuvchilarning Internetning boshqa qismlaridan foydalanishiga imkon bermaydi;
- L2TP protokolida IP protokolining joriy versiyasi uchun axborot almashinuvning oxirgi nuqtalari orasida kriptohimoyalangan tunnel yaratish ko‘zda tutilmagan;
- L2TPning taklif etilgan spetsifikatsiyasi standart shifrlashni faqat IP-tarmoqlarda IPSec protokoli yordamida ta’minlaydi.
Ipsec (Internet protocol security) bu xavfsizlik protokollari hamda shifrlash algoritmlaridan foydalangan holda tarmoq orqali xavfsiz ma’lumot almashish imkonini beradi. Bu maxsus standart orqali tarmoqdagi kompyuterlarning o‘zaro aloqasida dastur va ma’lumotlar hamda qurilmaviy vositalar bir-biriga mos kelishini ta’minlaydi. Ipsec protokoli tarmoq orqali uzatilayotgan axborotning sirliligini, ya’ni faqatgina yuboruvchi va qabul qiluvchiga tushunarli bo‘lishini, axborotning sofligini hamda paketlarni autentifikatsiyalashni amalga oshiradi. Zamonaviy axborot texnologiyalarni qo‘llash har bir tashkilotning rivojlanishi uchun zaruriy vosita bo‘lib qoldi, Ipsec protokoli esa aynan quyidagilar uchun samarali himoyani ta’minlaydi:
• bosh ofis va filiallarni global tarmoq bilan bog‘laganda;
• uzoq masofadan turib, korxonani internet orqali boshqarishda;
• homiylar bilan bog‘langan tarmoqni himoyalashda;
• elektron tijoratning xavfsizlik darajasini yuksaltirishda.
6-LABORATORIYA ISHI
Mavzu: FIREWALL DASTURIY VOSITASINI O‘RNATISH VA SOZLASH
Comodo Firewall dasturini o‘rnatish va sozlash
Comodo firewall dasturi Windows kompyuter foydalanuvchilari himoyasi uchun mo'ljallangan. Uni ishlatish oson, barcha kerakli funktsiyalar va qo’shimcha imkoniyatlarni taqdim etadi. Eng muhimi barcha parametrli kompyuterlarda ham tez ishlaydi.