Lingvomádeniyat

Milliy realiyalar Belgili bir xalıqtıń ómiri, turmıs-tárizi, mádeniyatı, social-tarıyxıy rawajlanıwı ushın xarakterli bolǵan predmetler, hádiyseler hám obiektlerdi atawshı, basqa xalıqlar ushın onsha tanıs bolmaǵan yáki biytanıs bolǵan, olardıń tillerinde turaqlı kórinisi bolmaǵan milliy kaloritti sáwlelendiriwshi sózler yamasa sóz birikpeleri; Turaqsız leksika túrlerinen biri.

Milliy qádiryatlar Belgili bir xalıqtıń, ruwdıń yáki millettiń ómiri, turmıs tárizi, ótmishi, keleshegi, házirgi waqıttaǵı sociallıq jaǵdayı menen baylanıslı bolǵan, adamlar ortasındaǵı qarım-qatnaslar ushın payda keltiriwsh zatlar, hádiyseler, is-háreketler jıynaǵı; shaxslar hám sociallıq toparlar iskerligine tiyisli ólshemlerge salıwshı mánawiy hádiyse.

Mifologema (grekshe. muthos-sóz, sóylew, gúrriń) Dúnya xalqları mádeniyatında keń tarqalǵan,universallıq hám globallıq áhmiyetine iye bolǵan dáslepki mifologiyalıq syujetler, obrazlar hám kórinisler. Mısalı: Dúnya aǵashı mifologeması, Bayterek mifologeması.

Mifonim (grekshe. muthos-sóz, sóylew; gúrriń+onyma-nom) Ápsanalar epopiyalar hám erteklerde ushrasatuǵın qıyalıy-toqma obiektler hám jaratılıslar ataması:Semurg,Kuxiy Kof,Boǵı Eram sıyaqlı.