Lingvistika (fransuz tili) mutaxassisligi ikkinchi bosqich magistranti Amonova Shohida Vali qizining ilmiy-pedagogik amaliyot davrida yuritgan kundaligi amaliyotning boshlanishi

2022- yil 7-aprel
Bugun soat 1.00 da menga guruh rahbari yordamchisi sifatida biriktirilgan 11-1 fra 19 guruhiga guruh tyutori N.Nurillayeva bilan birga kirdim. Sababi bugun 1-juftlik “Axborot va murabbiylik soati” edi. Talabalar bilan birgalikda yuqori tashkilot tomonidan taqdim etilgan materiallar o’rganib chiqildi. Telegramdagi rasmiy axborot kanallariga ham murojaat qilib, dunyo yangiliklaridan ham xabardor bo’ldik.
Bundan so’ng talabalarning yotoqxona va ijarada yashash sharoitlari, ularda mavjud muaommolar borasida suhbatlashdik.
Soat 14;30da 11-3fra-19 guruhida metodika fanini dotsent O.I.Adizova nazorati ostida, me’yoriy hujjatlar asosida o’tdim. Darsni o’tishda dars bosqichlarining ketma-ketligiga amal qildim. Tayyorlagan materiallarim asosida talabalar darsda juftlikda ishlashdi. Dars yo’l-yo’lakay qo’shimcha ma’lumotlar bilan ham boyitildi. Darsdan ko’zlangan asosiy – ta’limiy maqsad amalga oshirildi.
Shu bilan bugungi ishlarim ham yakunlandi.
2022- yil 8-aprel
Bugun ham amaliyot bo’yicha quyidagi ishlarni amalga oshirish maqsadida kafedraga keldim: birinchisi – navbatdagi TO ‘MA fanimga tayyorlanish, ikkinchisi – amaliyot hujjatlarimni ko’zdan kechirish, kamchiliklari bo’lsa, tuzatib qo’yish, MD ishim bo’yicha tezis tayyorlash.
TO’MAfanidan navbatdagi mavzuga doir materiallarni jamladim. Talabalarning e’tiboriga havola qilishdan oldin ularning har birini o’zim ishlab chiqdim. Dars jarayonida talabalarning mustaqil ishlashlarini ta’minlaydigan mashqlarga ham alohida e’tibor qaratdim.
Shundan so’ng amaliyot hujjatlarim bilan band bo’ldim. Kalendar ish rejamda rejalashtirgan ishlarimdan qay birini shu kecha-kunduzda amalga oshirishim lozimligiga e’tibor qaratdim. Shu kunlarda MDI mavzuim doirasida tezis nashr ettirmoqchi bo’lib turibman. Ayni paytda shu tezisim ustida ish olib boryapman va uni belgilangan muddatgacha tahrir hay’atiga taqdim etaman degan umiddaman.
Shuning bilan amaliyotimning navbatdagi kuni va haftasi o’z yakuniga yetdi.