Лиги фарғона давлат университети

Фаннинг мақсад ва вазифалари
Фанни ўқитишдан мақсад – ўрта умумтаълим мактаблари ва касб ҳунар– коллежлари учун педагогларни тайёрлашда қаламтасвир, рангтасвир, композиция фанлари билан чамбарчас боғлиқ бўлган амалий ва бадиий безак санъати фанини чуқур ўргатиш. Шунингдек, бўлажак педагог композициянинг асосий қонунлари: композитсион марказ, конструктсия, ҳаракат, яхлитлик, колорит, нисбат, меъёр, ритм, мутаносиб ва номутаносиблик каби компонентларни билиши ва уларни тасаввур эта олиши керак.
Фаннинг вазифаси – талабаларда бадиий тафаккур, ижодий қобилят, кўриб эслаб қолиш, фазовий тасаввурни шакллантириш; санъат асарларига нисбатан эстетик муносабатни, гўзалликка бўлган муҳаббатни ривожлантириш;
– амалий ва бадиий безак санъатида композиция масалалари; нақш турлари, бадиий наққошликда замонавий рамзлар; ўқув ва тарбиявий жараёнда бадиий безак санъатининг ўрни; амалий безак санъатида композиция; шрифтлар; реклама; эълон; шиор; табрик матни намуналари; интерер ва экстерерда бадиий безаш билан таништириш;
– амалий ва бадиий безак санъати ўқитиш методикасининг назарий ва методик асослари мазмун ва моҳиятини ўрганиш.
Фан бўйича талабалар билимига, кўникма ва малакаларига
қўйиладиган талаблар
«Амалий ва бадиий безак санъати» ўқув фанини ўзлаштириш жараёнида бакалавр:

• 
  ўзбек миллий санъатида бадиий наққошликнинг роли;
  
• 
  бадиий наққошликнинг ўзига хослиги ва эстетик моҳияти;
  
• 
  амалий ва бадиий безак санъатида композиция масалалари ҳақида тасаввурга эга бўлиши;
  
• 
  тасвирий санъатда амалий санъатнинг ўрни ва роли;
  
• 
  нақш турлари, бадиий наққошликда замонавий рамзлар ва миллий қадриятлар;
  
• 
  мураккаб нақшли композициялар тузиш;
  
• 
  амалий-декоратив санъатда композиция;
  
• 
  амалий безак санъатида композициянинг қўлланилишини билиши ва улардан фойдалана олиши;
  
• 
  композитсион марказ, конструктсия, мавзу, ҳаракат, яхлитлик, колорит, нисбатлар, меъёр, мутаносиб ва номутаносиблик;
  
• 
  декоратив санъат турларида жанрли композиция;
  
• 
  ўқув ва тарбия жараёнида бадиий безак санъатининг ўрни;
  
• 
  амалий безак санъатида композиция, ранг масалалари;
  
• 
  шрифтлар. Материалларда ишлаш техникаси;
  
• 
  интеръер ва экстерьерда бадиий безаш.
  
• 
  композициянинг асосий қонуниятлари, фронтал композиция элементлари, замонавий экспозитсия ва конструктсиялар;
  
• 
  бадиий безак санъатида халқ амалий санъати турларидан фойдаланиш кўникмаларига эга бўлиши керак.