Личинка хордалилар (Urochordata) ¸ки šобиšлилар (Tunicata) кенжа типи

Urchish migratsiyasining sabablari va kelib chiqishi. Baliqlarning urchish migratsiyalariga birinchi sabab, ular ikra va yosh baliqchalarni halok bo`lishidan saqlaydi. Chunki ikra va yosh baliqchalar tuzli suvlarda yaxshi rivojlanmaydi. Ikkinchidan, yosh baliqchalar dushmandan himoya qilinadi, ularning nasli qo`riqlanadi. Masalan: Uzoq Sharq dengizlardagi baliq turlarning 30% o`z ikralarini va yosh baliqchalarini daryolarda qo`riqlaydi. Lekin daryodan dengizga borib ikra tashlaydigan baliqlar ham bor (ilonbaliq). Ilonbaliqlar Sargasso dengiziga borib ikra tashlaydi, chunki bu dengizda ikra bilan oziqlanadigan yirtqichlar kam uchraydi.


III.11. BALIQLARNING KELIB CHIQISHI VA
IQTISODIY AHAMIYATI

Baliqlarning tangacha ko`rinishdagi qoldiqlari faqat ustki silur qatlamlaridan topilgan. Ostki devon davrida har xil guruhlarga kiradigan baliqlar paydo bo`lgan. Lekin baliqlarning qazilma qoldiqlari yetarli darajada bo`lmaganligi va yaxshi saqlanmaganligi uchun ayrim guruhlarining kelib chiqishini tushuntirishga imkon bermaydi. Shunday bo`lsada, paleontologik materiallarning o`rni nazariy mulohazalar bilan to`ldirilib, to`garak og’izlilar bilan baliqlar bir umumiy ajdoddan kelib chiqqan, degan fikrga kelinadi. Ayrim olimlar (Berg, Romer, Grov, Uitson) baliqlar birinchi marta dengizda emas, balki chuchuk suvlarda paydo bo`lgan va dengizlarda yashaydigan baliqlar asta-sekinlik bilan chuchuk suvlardan o`tgan, degan fikrni ilgari suradilar. Bu fikrni tasdiqlash uchun quyidagi jadvalni keltiradilar.

Davrlar	Chuchuk suv baliqlari, % hisobida	Dengiz baliqlari, % hisobida
Silur	100	0
Pastki devon	77	23
O`rta devon	13	87
Ustki devon	29	71

Taxminlarga ko`ra, baliqlar silur davrining boshida chuchuk suvlarda yashagan pteraspidomorflarga mansub bo`lgan har xil qalqondorlardan ajralib chiqqan. Hali fanga noma`lum bo`lgan birlamchi jag’og’izlilardan ikkita shoxcha paydo bo`lgan: pantsirlilar va jag’jabralilar, bularga mustaqil sinf taksonomiyasi berilgan. Demak, eng qadimgi baliqlar pantsirli baliqlar bo`lgan (78-rasm).