Личинка хордалилар (Urochordata) ¸ки šобиšлилар (Tunicata) кенжа типи

Yo`ldosh yoki bola o`rni. Yo`ldosh, asosan sutemizuvchilar sinfining eng yuksak tuzilgan kenja sinfi yo`ldoshlilar uchun xos. Allantoisning tashqi devori bilan seroz qobiqning bir qismi qo`shilishi natijasida xorion hosil bo`ladi. Xorionning tashqi yuzasida vorsinkalar (o`siqlar) bachadon devoriga botib kiradi va haqiqiy yo`ldosh hosil bo`ladi. Bu yerda embrion qon tomirlari bilan tutashadi. Bu hol embrionning ona qoni hisobidan oziqlanishini ta`minlaydi.
Xoriondagi tuklarning qanday o`rnashganiga qarab yo`ldoshlar bir necha tipga bo`linadi:
1. Diffuzli yo`ldosh. Bunda vorsinkalar xorionga bir tekis tarqaladi. Bunday yo`ldosh kitsimonlar, chala maymunlar va tuyoqlilarga xos.
2. Bo`lakchali yo`ldosh. Bunda tuklari to`p-to`p bo`lib, butun xorion yuzasiga tarqalgan bo`ladi. Bunday yo`ldosh kavsh qaytaruvchilarga xos.
3. Halqasimon yoki zonal yo`ldosh. Xorion tuklari keng belbog’ shaklida bo`lib, embrionni ko`ndalangiga o`rab oladi. Buday yo`ldosh itlar, xartumlilar, kurakoyoqlilar va sirenlarga xos.
4. Diskoidal yo`ldosh. Tuklari bir joyda to`planib, disk hosil qiladi. Bunday yo`ldosh kemiruvchilar, hasharotxo`rlar va maymunlarga xos.
Shuningdek, yo`ldoshlilarning ayrim vakillarida yo`ldoshi tushadi, ayrimlarida esa tushmaydi. Tushadigan yo`ldosh va tushmaydigan yo`ldosh xorion tuklari yo`ldoshning ona qismiga nechog’li mahkam birikkanligiga qarab tafovut qilinadi. Birinchi holatda bola yo`ldoshi (xorion) va bola tashqariga chiqariladi, buning natijasida qon oqadi. Diskoidal yo`ldoshlarning ko`pchiligi tushadigan yo`ldoshlar tipiga kiradi. Tushmaydigan yo`ldoshda xorion vorsinkalari bachadon pardasi bilan bo`sh birikkan bo`lib, tug’ish davrida pardasidan chiqib ketadi. Diffuzli va bo`lakchali yo`ldoshlar tushmaydigan yo`ldoshlar tipiga kiradi. Allantois tashqi pardasi bilan seroz pardasi qo`shilishi natijasida xorion g’ovaksimon tuzilishni hosil qiladi. Xorionning vorsinkalari bo`lib, u bachadon epiteliysi bilan birikadi. Bu yerda ona organizmi bilan bog’liqlik vujudga keladi, natijada embrionni gaz almashinishi va oziqlanishi yuz beradi. Birteshiklilarda yo`ldosh bo`lmaydi, xaltalilarda esa yo`ldosh rudiment holida bo`ladi.