Қўлёзма ҳуқуқида

9 - расм. БГК-Р-101-Н симоб катодли электролизёр

1-электролизёр туби; 2-рама; 3-анодли қопқоқ; 4-электролизёр таянчи; 5-чиқувчи чунтакнинг туби; 6-чиқувчи чунтак; 7,8- тўсиқлар; 9-электролитик ячейка; 10-анодлар; 11- кирувчи чунтак; 12-электролит ва хлорни чиқариб юборадиган штуцер; 13-ниппеллар; 14- ток ўтказувчи рамка; 15-таянч винти; 16-парчаловчи; 17-парчаловчи коробкаси; 18- совуткич; 19-насос; 20-электродвигатель.

“Симобли” каустик сода таркибида асосий модда 99,7% гача (масса бўйича), Na₂CO₃ 0,3% гача бўлади. Шунинг учун ҳам бу электролизёр тозалик даражаси бўйича сунъий толалар ишлаб чиқариш учун жуда зарур ҳисобланади.

БГК-Р-101-И электролизёрнинг асосий техник-иқтисодий кўрсаткичлари қуйидагилардан иборат: кучланиш 100-125 кА, максимал миқдори эса 150 кА, катоддаги токнинг зичлиги 6700 А/м², максимал миқдори эса 8000 А/м², ўртача кучланиш 4,3 – 4,5 В, симобнинг йиғилиши 2200 кг, ток бўйича КОН нинг чиқиши 96%, хлоргаз таркибидаги водород миқдори 0,7%.
Мембранали монополяр электролизёр концентрацияси 20-40% бўлган тоза ҳолдаги КОН олиш имкониятини беради. Бу электролизёрнинг ютуқ томони системада симобнинг йўқлиги, юкланишларга нисбатан кам сезгирлиги ва нисбатан кам электроэнергия сарфланишидир. Электролизёрни йиғиш фильтр-прессни йиғиш принципига ўхшаш бўлиб, мембраналар билан ажратилган катод ва анод элементларидан ташкил топган. Ячейкалар сонига боғлиқ равишда электролизёр қуйидаги кучланиш билан ишлаши мумкин: 25, 50, 75 ва 100 кА. Мембранали монополяр электролизёрнинг асосий техник-иқтисодий кўрсаткичлари: электролизёрдаги ток 50000 А, токнинг зичлиги 2,5 кА/м² , кучланиш 3,92 В, 1 т 100% ли КОН ишлаб чиқариш учун сарфланган электроэнергия сарфи 3120 кВт·соат, ток бўйича ишқорнинг чиқиши 85%, хлор бўйича 96%, водород бўйича 100%. Мембранали электролизёрларда титан асосидаги металлоксидли анодлар ва перфторуглеродли полимерлар асосидаги ионалмашинувчи мембраналардан фойдаланилади.
Мембранали монополяр электролизёрларнинг нормал ишлаши учун намокоп жуда яхши тозаланган бўлиши керак. Тозаланган намакоп таркибидаги Са⁺² ва Мg⁺² ионларининг миқдорлари 0,005 г/л дан ошмаслиги керак.