Leksikologiya bilib oling. Leksikologiya

Sovut, dubulg´a, palaxmon, zirh, nayza, paykon, kamon
kabi so´zlarning izohini 
topib, ular ishtirokida gaplar tuzing. 
Topshiriq. Matnlarni diqqat bilan o´qing. 
1. “Farhod va Shirin” dostonini o´qisak, bugun tilimiz ancha kelishib qolgan XX asr 
kashfiyotlaridan biri — robotlar haqidagi satrlarga ham ko´zimiz tushadi: “U odamga juda ham 
o´xshar, qo´lida o´tkir o´q tortilgan temir yoyni ushlab turar edi. Boshidan oyoq sovutga o´ralgan 
bu temir odam ich-ichidan yonib turardi”.
 
2. 1928-yili Toshkentda ixtirochilar B. Grabovskiy va I. Belyavskiylar elektr-nur yordamida 
harakat qilayotgan tasvirni bir joydan uzatadigan va qabul qiladigan apparat yaratib, muvaffaqiyatli 
sinovdan o´tkazdilar. Poytaxtimiz televideniye vataniga aylanishi bejiz emasdi. Chunki Alisher 
Navoiy bir necha asrlar ilgari “Farhod va Shirin” dostonida bu qurilmani ham o´z holicha “oynayi 
jahon” deb nomlaydi. Farhod uzoq Arman o´lkasining malikasi Shirinning husni jamolini aynan 
shu vosita orqali ko´rib, unga mahliyo bo´lib qoladi.
 
3. “Xamsa”ning to´rtinchi dostoni “Sab´ayi sayyor”da eskalator va lift haqidagi farazlarni o´qigan 
mashhur sharqshunos olim Bertels ham hayrat og´ushida qolganini yashirmagan ekan.
 
“Shoh bu taxtga chiqadigan bo‘lsa, pillapoyalar uning qadam qo´yishi uchun pasayib, bir-birining 
ustiga yotadi. Shoh shu 8 poyaning hammasini bosib o´tib, o´z taxtiga o´tirgach, u zinalar yana 
baland ko´tariladi”.
Bu yerda keyingi asrlarda, yana ham aniqrog´i, 1892-yilda amerikalik kashfiyotchi Jessi Reno 
tomonidan yasalgan eskalator haqida gap ketayotganiga shubha yo´q.
 
(“Navoiyshunoslik”dan) 
 
302-mashq.
Mirkarim Osimning 
“Zulmat ichra nur"
kitobidan olingan parchani ko´chiring. 
Tarixiy va arxaik so´zlarning tagiga chizing. 

---

Muallif: Fazliddin O‘taganov 
91 965 55 99 
1. Ov va jang manzaralari uni shu qadar qiziqtirgan ediki, otasi kelib eshik oldida kavush 
yechayotganini ham payqamadi.
2. “Shu yoshdin kitobga muhabbat qo´ysa, ulg´aygach, kitobni ilkidan ayirmay o´zi bilan asrab 
yurg´ay”, deb o´yladi G´iyosiddin.
3. “Dada, ushbu suratni ko´ring: mana bu cherik shotidan chiqayotib qulab tushmoqda”, - deb 
aytdi.
4. Otasi devonxonadan kelib, dam olganidan so´ng ba´zan kitob mutolaa qilar edi.