Leksik, morfologik, sintaktik uslubiyat

BUXORO DAVLAT UNIVERSITETI



MAVZU: LEKSIK, MORFOLOGIK, SINTAKTIK USLUBIYAT
GURUH: 9-7BTUS-20


BAJARDI: NARZULLAYEVA NIGORA
Buxoro - 2022
Nutq madaniyati va uslubiyat


Reja:

1. 
   Kirish
   
2. 
   Leksik uslubiyat
   
3. 
   Morfologik uslubiyat
   
4. 
   Sintaktik uslubiyat
   
5. 
   Foydalanilgan adabiyotlar.
   

So'zlovchi nutqida atamalar, so'z qo'llash va o'rnida ishlatish bugungi kunda eng ahamiyatli masalalar safidan joy olgan. Chunki o'zbek tiliga davlat tili maqomi berilishi unga bo'lgan munosabatni tubdan o'zgartirdi. Hozirgi kunda hamma-hammani e'tiborida tilimiz taqdiri bor: yoshlar, keksalar, talabalar; kasbidan, sohasidan qat'iy nazar har bir ziyoli tilimizning ravnaqi, kelajagi haqida qayg'urmoqda, o'z fikr-mulohazalarini bayon qilmoqda. Keyingi davrda fan-texnikaning barcha sohalari rivojlandi, shakllandi. Natijada o'zbek tilida ham barcha sohalarda atamalar vujudga keldi, o'zlashtirildi, yangi atamalar yasaldi. Mavjud atamalarning ko'pchiligi o'zgardi, yangilandi. Bu atamalarning aksariyati umumadabiy tilga o'tib ommalashib ketdi va hamma uchun tushunarli bo'lib qoldi. O'zbek tili atamachiligida ilgari ko'proq arab tilidan o'zlashgan: jumhuriyat, munajjim, muarrih, munaqqid, muallif, inqilob kabi so'zlarning o'rnini rus tilidan o'zlashgan so'zlarni qo'llash kuchaydi. Boshqacha qilib aytganda, ayrim so'zlarga qaytadan «jon» ato etildi: jumladan, viloyat, tuman, sho'ro kabilar. Shu o'rinda aytib o'tish kerakki, bir qator so'zlar borki, ularni hozirgi talabalar ham maxsus lug'atsiz yoki o'qituvchilarning yordamisiz tushunish qiyin: Masalan, munshiy, qozi, dodhoh, haram, avranush, sipohsolar, viqor, vojib, voyiz, badhu, alfoz, anduh, andoza, asno, afgor, aftoda, misqol, mufti, qushbegi, pansod kabilarBunday holat mumtoz adabiyot namunalarini to'g'ri sharhlab berishga, ulardagi badiyatni chuqurroq his qilishga halaqit qiladi, u yoki bu baytni asl mohiyatini, shoir yoki adib ko'zda tutgan asosiy maqsadni to'la anglab yetmaslikka sabab bo'ladi. Ana shu kabi so'zlarning ma'nosini o'rgatmaslik, o'quvchiga singdirmaslik esa asar yoki g'azalning chala tushunilishiga olib keladi, o'quvchilarni va tinglovchilarni ularning sir-asroridan bebahra qiladi. Bu o'rinda R.Dekartning quyidagi fikrini eslatib o'tish maqsadga muvofiqdir: «So'zlarning ma'nolarini odamlarga tushuntirib bering, shunda siz insoniyat olamini anglashilmovchilarning yarmidan xalos qilgan

bo'lasiz».Inson o'qishni, yozishni, tinglashni, umuman ilmni asosan o'rta maktabda o'rganadi. Shunday ekan, gap o'qituvchi bilimi, saviyasi qandayligiga borib taqaladi. Bu degani o'qituvchi faqat tilni mukammal bilsin degani emas, bu bilan cheklanib ham bo'lmaydi. Umuman, go'zal va serqirra tilimizdan foydalanishda, atamalarni qo'llashda har bir soha vakili ham juda ehtiyotkor bo'lishi shart. Aks holda ma'lum bir mavzuni tushunishni, anglashni qiyinlashtiradi. Bu esa tilimizga,
madaniyatimizga putur yetkazadi. Shuning uchun savodxonlikni yuksak darajaga ko'tarishga, o'qish-o'qitish ishlariga e'tiborni kuchaytirish kerak.2. Hozirgi ilmiy adabiyotlarimizda nutq madaniyati va stilistika (uslubiyat) asosan qo'shib talqin qilinadi. Ba'zi hollarda bu ikki tushuncha bir-biri bilan qorishtirib yuboriladi, ular
orasidagi farq lo'nda, aniq ajratib berilmaydi. Yuqorida nutq madaniyati tushunchasiga to'la aniqlik kiritildi va uning mohiyati ochib berildi. Stil so'zi grekcha so'zdan olingan bo'lib, yozish uchun ishlatiladigan uchi o'tkirlashtirilgan tayoqchani bildirishi bizga ma'lum.Qadimgi rimliklar, gretsiyaliklar stilga kishilarni ishontirish san'ati sifatida qaraganlar. Stil so'zining asl mohiyati hozirgi kunda ham ana shu izohlardan uncha uzoqlashgani yo'q. Faqat keyingi davrdagi talqinlarda vazifaviy stilga (aslida uslub o'shadir) ko'proq talqin berib yuborilgan: uslub (stil) nutqning jamiyat ijtimoiy faoliyati ma'lum tomoni bilan bog'langan o'ziga xos lug'ati va boshqa xususiyatlariga ega bo'lgan ko'rinishi bo'lib, nutqning xuddi shunday boshqa turlaridan o'z ichki xususiyatlari bilan tafovut qilib turadi. Stil so'zi bilan uslub so'zlarining asosiy ma'nolari esa hozirgi kunda bir-biriga tengdir: yozuvchining o'ziga xos uslubi (yoki tili); badiiy uslub (badiiy stil) kabi.
Xulosa qilib aytganda, hozirgi kunda til uslublari quyidagi turlarga ajratiladi:

1. So'zlashuv nutqi uslubi (aloqa-aralashuv funktsiyasi)

2. Ilmiy uslub.
3. Rasmiy ish qog'ozlari uslubi (xabar, axborot berish).
4. Publitsistik uslub.
5. Adabiy, badiiy nutq uslubi (tilning ta'sir qilish, targ'ibot-tashviqot doirasi).