Лекция компютер тармақларының стандарт технологиялары

Сымсыз локал тармақлар. Ҳәзирги ўақытта келип сымсыз локал тармақлар сымлы локал тармақларға қосымша локал тармақлар сыпатында қаралмақта. Басқаша етип айтқанда сымсыз локал тармақлар сымлы яғный кабелли тармақлар менен бәсекелесиўши тармақлар емес.
Сымсыз локал тармақлардың бир неше абзаллықлар тәрепинен көриў мүмкин. Оларды орнатыў ҳәм модификациялаў яғный жаңалаў турыў жүдә аңсат бунда узын аралыққа жетиўши кабеллерге ҳәм оларды байланыстырыў ушын зәрүр болған қурылмаларға керек болмайды. Сымсыз тармақлардың және бир абзал тәрепи онда пайдаланыўшылардың көшип жүриў имканиятының (мобильность) барлығы.
Сымсыз тармақ технологиялары 802.11 стандарты есапланған WiFi технологиясы мысалында көрип шығамыз. 802.11 стандарты сымсыз локал тармоқларының еки түрли топологиясы бар:
1.BSS – базалық ямаса тийкарғы хызметлер топламы көкрсетилетуғын тармақ (Basic Servis Set). Бул тармақта базалық станция, барлық пайдаланыўшылар ушын арналған станция (байланысыў точкасы, антенна ямаса коммутатор) болмайды. Пайдаланыўшылар тармақтағы компьютер – өзлеринде орнатылған сымсыз тармақ адаптерлери жәрдеминде өз-ара информация алмасады (5-сүўрет). BSS тармағына кириў ушын – тармаққа байланысыў әмеллерин орынлаў керек болады.

5-сүўрет. BSS топологияли тармақлар.
STA₁, STA₂ – станциялар (компьютерлер, яғный пайдаланыўшылар, серверлер, коммутаторлар ямаса маршрутизаторлар).
2. ЕSS – кегейтирилген (қосымша) хызметлер топламын көрсететуғын тармақ (Extended Servis Set – ЕSS). Бул тармақ бөлистирилген орталық бирлестирилген бир неше BSS тармақлардан ибарат болады. (6-сүўрет)

6-сүўрет. ЕSS топологиялы тармақлар.
AP (Access Point) – байланысыў точкасы.
DS (Distribution System) – бөлистирилген система.
DSS (Distribution System Service) – бөлистирилген система хызмети.