Laqablar iymonlilar

Laqablar

IYMONLILAR Qishloqda insonlar, ular avlod ajdodlari haqida turli afsona, rivoyat, hikoyatlar ham tildan tilga, dildan dilga ko‘chib yuradi. Shulardan biri Sheniyoz boboning iymonlilar laqabiga sazovor bo‘lishidir.

Uning ota-bobolari boy badavlat hayot kechirardi. Dehqonchilik qilish bilan birga uning uzi mayda savdogarlik bilan ham shug‘ullanganlardi. . Sheniyoz bobo Jayxundaryo ortiga savdogarlik safariga otlanib usha oqshom tabarruk Yusuf Hamadoniy ziyoratgohida tunab o‘tishni niyat qiladi. Tun yarmida ilohiy ovoz eshitiladi:

- Hamma mol- mulk, boyligingni sadaqa qilib, shu yerdan muqim makon tutasan!

- Ajab bo‘lg‘ay.

Shu tariqa Sheniyoz bobo Yusuf Hamadoniy hazratlari buyrug‘iga amal qilib, hamma narsasini yetim-yesir, boquvchisiz qolgan kishilarga nazr-niyoz qilib yakka chopon, cho‘girmasi bilan sajdagohga kelib makon tutadi. Uning xizmat vazifasi imom xatiblar topshiriqlariga quloq tutish, xizmatlarini bajarish, ziyoratgoh ichi tashqarisini toza, orasta tutish edi va bu vazifa har doim halollik bilan uddalanardi.

U paytlari tevaraq-atrof jangalzor, to‘qay bo‘lgani bois, yovvoyi, yirtqich hayvonlar ham ko‘p bo‘lgan. Keksa avlod vaqillarining hikoya qilishlaricha bir juma oqshomi avval uvillab qoravuloq, keyin yo‘lbars paydo bo‘lgan. Oradan ko‘p vaqt o‘tmay yo‘lbars og‘riqli bo‘kira boshlagan. Sheniyoz ota borib qarasa yo‘lbarsning oyog‘ida tikan bor ekan. Sheniyoz bobo asta borib sherim-sherim deb, yo‘lbarsga yaqinlashgan va uning oyog‘idagi tikanni olib tashlagan. Oradan bir oqshom o‘tib yo‘lbars sajdagohga bir qo‘yni terisidan tishlab tirik keltirib Sheniyoz otaga qoldirgan. Shundan keyin Sheniyoz bobo sajdagoh atroflarida qo‘ylar ham boqa boshlagan. Sheniyoz ota uylanib turmush quradi va Bobojon ismli o‘g‘il ko‘radi. O‘g‘il ham ota izidan borib Yusuf Hamadoniy ziyoratgohida tavba-tazarru bilan xizmat qiladi. Shular bois ular iymonlilar laqabiga sazovor bo‘lishadi. Bobojon Sheniyoz o‘g‘li Oyimjon ismli qizga uylanib Sharifboy, Yusufboy ismli o‘g‘illar, Rahima ismli qiz farzand ko‘radi.

Bobojon bobo o‘g‘li Sharifboy Yoqutjon ismli qizga uylanadi. U ota-bobolariday g‘ayratchan, bir so‘zli inson edi. Sharifboy usta duradgorlik, chorvachilik bilan shug‘ullanadi va magazin mudiri bo‘lib ishlash bilan birga to‘ylarda suzma, palovlar pishirgan.