Landshaft dizayni va interyer

 
19 – rasm. Kо‘rish nuqtasi tanlash chizmasi.
 
 
Ufq chizig‘ini tanlash.
Ufq (gorizont) chizig‘i inshootning kompozitsion 
xususiyatlarini aniq kо‘rsata olish shartiga, atrof – muhitga bog‘liqligi va uning 
hajmiy– fazoviy tuzilishiga bog‘liq ravishda tanlanadi. Murakkab rejaviyyechimlarga 
ega bо‘lgan katta ansambl’lar va shaharsozlik hududlarini perspektivasini ufqchizig‘i 
"qush parvozi" balandligida, umumiy hollarda esa ufq chizig‘i odam bо‘yi 
balandligida (1,7m) olinadi.

---

74 
Agar bino kо‘rish nuqtasidan balandlikda joylashgan bо‘lsa, ufq chizig‘i odam 
bо‘yidan pastroq olinadi. Interyer perspektivasini qurishda ufq chizig‘ini о‘tirgan 
odamning kо‘zi balandligida olinsa, shift yopilmasi (potolok) yetarli darajada aniq 
kо‘rsatiladi hamda muhitni kengligi va chuqurligi ochiladi. 
Lekin, ba’zi hollarda, ufq chizig‘ini baland nuqtadan о‘tkazish maqsadga 
muvofiqdir. Masalan, teatrlarda tepa qismdagi ayvonlar balandligida olingan ufq 
chizig‘i chiroyli interyerlarni yaratadi. 
Ufq chizig‘i aniqlanganidan sо‘ng, kо‘rish nuqtasidan kartina tekisligigacha 
bо‘lgan masofani aniqlash kerak. Bu masofa ufq chizig‘i va bino baland nuqtasigacha 
bо‘lgan masofaning 2 – 2,5 kо‘paytmasiga teng. Oddiyroqqilib aytganda, kuzatuvchi 
bino balandligidan 2 – 2,5 marta uzoqroq masofada tursa, biz istagan jozibali 
perspektiva hosil bо‘lishi mumkin.