Landshaft dizayni va interyer

Ovchilar va baliqchilar uyi
Konstruktiv va funksiyaviy jihatdan murakkabroq bо‘lgan ushbu vazifani 
amalga oshirish jarayoni yuqoridagi ochiq muhitli kichik me’moriy shakllardan 
tubdan farq qiladi. Ya’ni ichki muhitli bо‘lgan konstruktiv kompozitsion jihatidan 
murakkab yechimni tashkil etuvchi ovchilar yoki baliqchilar uyi loyihasiga kо‘proq 
e’tibor qaratish kerak bо‘ladi. О‘zbekiston sharoitining iqlim sharoiti о‘zgaruvchan 
bо‘lganligi tufayli tog‘li yer, suv, anhor, daryo, kо‘l va о‘rmonlarda bunday shaklan 
kichik bо‘lgan mavsumiy inshootlarni qurish maqsadga muvofiqdir. Talabalar 1-
semestrda loyiha fanidan va me’moriy grafika, qalamtasvir fanlaridan olgan 
bilimlariga tayanib biroz murakkabroq bо‘lgan topshiriqni amalga oshirishlari kerak 
bо‘ladi. Hududiy iqlim sharoiti va boshqa qulayliklar bо‘lmagan joyda ana shunday 
inshootni qurishda mahalliyqurilish ashyolaridan (g‘isht, tosh, yog‘och, marmar) 
foydalanish joizdir. Mavzu bо‘yicha tо‘laroq tushunchaga ega bо‘lishda bevosita 
о‘qituvchining kо‘rsatmalariga amal qilgan holda taklif etilgan maxsus adabiyotlar 
uslubiyqо‘llanma va uslubiy kо‘rsatmalar bilan tanishib chiqishi, kо‘rgazmali о‘quv 

---

111 
loyihalari, arxitekturaviy jurnal va al’bomlarni kо‘zdan kechirib chiqishlari kerak 
bо‘ladi. Ovchi uyining loyihasini tog‘li yer, о‘rmonzorlarga moslashtirib atrof – muhit 
bilan bog‘lab amalga oshirish talab etiladi. Baliqchi uyini esa daryo anhor va kо‘l 
bо‘ylarida qurishni tavsiya etiladi. Qurilish ashyolarini joylashuv hududga moslashtirib 
hajmiy va fazoviy konstruktiv jihatlarini mukammal darajada hayotiyqilib loyihalash 
kerak. Baliqchi yoki ovchi uyi loyihasidagi talablar (tarh, tarz, qirqim, bosh tarz, 
perspektiva yoki lavhalar) 55×75sm о‘lchamli planshetda yoritilishi kerak bо‘ladi. 
Chizmalardan tashqari talabaning xohishiga qarab loyihaning maketi yoki interyeri 
ham ishlanishi mumkin. Bunda talaba uchun erkin fikrlash imkoniyati yaratilib, о‘z 
fantaziyalarini ifodalashi mumkin, lekin yaratilgan fantaziya hayotiy jarayonga yaqin 
bо‘lmog‘i darkor. Loyiha bosqichma - bosqich amalga oshirilib boriladi. Barcha taklif 
etilgan materiallar bilan tanishib chiqqan talabada vazifaga bо‘lgan qiziqish yoki 
intilish paydo bо‘ladi. Dastlabki bosqichda musavva tariqasida bir nechta variantlar 
chizilib ular orasidan eng optimal variant tanlab olinadi va "klauzura" tariqasida taqdim 
etiladi. Klauzura ishini kafedra о‘qituvchilari tomonidan kо‘rib baholanib, xato va 
kamchiliklar kо‘rsatiladi. Shundan sо‘ng talaba tanlagan vazifani 55×75sm о‘lchamli 
vatman tortilgan planshetga rahbarning yordamida (kompanovka) joylashtirib chizadi. 
Barcha chizmalar tartib bilan chizib bо‘lingandan sо‘ng loyiha yanada kо‘rkam va boy 
kо‘rinishga ega bо‘ladi.