Laboratoriya mashg’ulotlari tuzuvchilar

4. Bufer sig'imi.


1-tajriba.

CH₃ COOH ning 0.1 n eritmasidan 7 ml va CH₃ COONa ning 0.1 n. eritmasidan 3 ml olib konussimon kolbada bufer aralashma tayyorlanadi; 3 tomchi universal indikator qo'shiladi va tayyorlangan bufer aralashmaning pH qiymati universal indikator uchun yasalgan rangli jadvaldav topiladi. Shundan keyin bufer eritma NaOH ning 0.1 n. eritmasi bilan to eritmaning rangi sezilar- sezilmas darajada o'zgarguncha titrlanadi va titrlash uchun sarf bo'lgan NaOH ning millilitrlar soni yozib olinadi.

2- tajriba.

Xuddi shuning singari CH₃ COOH ning 0.1 n. eritmasidan 3 ml va CH₃ COONa ning 0.1n. eritmasidan 7 ml olib, bufer arlashma tayyorlanadi; 3 tomchi universal indikator qo'shiladi va birinchi tajribadagi kabi NaOH ning yuqorida ko'rsatilgan eritmasi bilan rangi sezilar- sezilmas darajada o'zgarguncha titrlanadi. Titrlash uchun sarf bo'lgan ishqorning millilitrlar soni yozib olinadi.

Birinchi va ikkinchi tajribada titrlangan eritmalar taqqoslab ko'riladi.


Qilingan ish haqida hisobot

1. Qilib ko'rilgan tajribalardan tegishli xulosalar chiqarish.

2. Olingan natijalarni jadvalga yozish.


Kontrol savollar.

1. Qanday eritmalar bufer eritmalar deb ataladi?

2. Bufer aralashma hosil qilish uchun eritmaga qanday tuz qo'shsa bo'ladi?
3. Bufer aralashmaning bufer sig'imi qaysi yo'l bilan oshirilishi mumkin?
4. Bufer aralashmadagi tuz bilan kislota konsentratsiyalarini baravar oshirish yo'li bilan eritmadagi vodorod ionlarining konsentratsiyasini o'zgartirib bo'ladimi? Bunda arlashmaning bufer sig'imi ko'payadimi, yo yo'qmi?

LABORATORIYA MASHG’ULOTI № 13

SIRT TARANGLIGI.

Ishdan kuzatilgan maqsad: 1. Sirt tarangligini ikki xil metod, ya’ni uzilib tushayotgan tomchini tortib ko’rish va suyuqlik kapillyarda yuqoriga qancha ko’tarilishiga qarab o’lchash metodlari bilan tanishish.

2. Sirt tarangligiga temperatura qanday ta’sir etishini kuzatish.