Laboratoriya mashg’uloti №16 I,II,III guruh anionlari aralashmalari analizi

1. CO₃^2- ionini ochish
a) Qaytaruvchi anionlar S^2-, SO₃^2-, S₂O₃^2- ishtirok etmaganda (yodli suv ta’sirida aniqlanadi) СО₃^2--ioni penitsillin idishi rezina tiqiniga o‘rnatilgan pipetka yordamida aniqlanadi. Buning uchun idishga 3-5 tomchi tekshiriluvchi eritma solinadi, 2-3 tomchi sirka kislotasidan tomizib, idish og‘zi Ba(OH)₂ eritmasi quyilgan pipetka bilan berkitiladi. Ajralgan gaz Ba(OH)₂ eritmasida loyqa hosil qilishi CO₃^2- borligini bildiradi.
b) Qaytaruvchi anionlar S^2-, SO₃^2-, S₂O₃^2-ishtirok etganda, СО₃^2-ioni quyidagicha ochiladi. Tekshiriluvchi eritma solingan maxsus asbobga H₂SO₄ solishdan oldin, avval asbobga 4-6 tomchi H₂O₂ yoki KMnO₄dan tomiziladi. Keyin esa СО₃^2- ioni yuqorida ko‘rsatilganidek ochiladi.
2. B₄O₇^2- (BO₂^-), СH₃COO^- ionlarini ochish
Tigelga 5 tomchi tekshiriluvchi eritmadan solinadi va parlanguncha quritiladi. Keyin esa tigelni sovitib turib, ustiga 3 tomchi konsentrlangan H₂SO₄ tomiziladi. Olingan aralashmaga 6 tomchi etil spirti tomizib, qizdiriladi. Alanganing yashil rangga bo‘yalishi, B₄O₇^2- ioni borligidan xulosa chiqariladi. Sulfat kislotasi qo‘shilganda sirka kislota xidining hosil bo‘lishi, CH₃COO^- ioni borligini ko‘rsatadi. Konsentrlangan H₂SO₄ ta’sirida Cl^-, Br^-, I^-, NO₂^- va boshqa anionlar o‘tkir xidli gaz maxsulotlari hosil qilib, CH₃COO^- ionini aniqlashga xalaqit beradi.