Лаборатория машғулоти №

9.1-расм. Аралаштиргич.
а-эритроцитлар учун; б-лейкоцитлар учун.
Тажриба ўтказиш тартиби. Эритроцитларни ҳисоблаш учун чап қўлнинг тўртинчи бармоғи учидан қон олинади. Бунинг учун спиртда ҳўлланган пахта билан артиб, скарификатор нинаси билан тешилади.Қоннинг биринчи томчиси артиб ташланиб, кейинги томчи аралаштиргичнинг 0,5 белгисигача сўрилади. Аралаштиргичнинг резина найи оғиздан олинмай туриб, аралаштиргичнинг учи ош тузининг 3 % ли эритмасига ботирилади ва аралаштиргичнинг 101 белгисигача эритма сўрилади, бунда қон 200 марта суюлтирилган бўлади, энди аралаштиргичнинг икки учини бармоқлар билан бекитиб, аралашмани чайқатиб яхшилаб аралаштирилади. Суюлтирилган қон Горяев ҳисоб камерасининг катаги устига томизилади. Томизилган суюқликнинг қалинлиги аниқ 0,1 мм баландликда бўлиши учун қоплағич ойна суюқлик томизилмасидан олдин камера устига яхшилаб ёпиштириб қўйилади. Бунинг учун қоплағич ойна четларини бироз ҳўллаб ён пластинкалар устига ёпиштириб суриш керак. Қоплағич ойна камерага зичлаб қўйилса, ён пластинкаларда камалак ҳосил бўлади. Сўнгра камеранинг ён томонидан қоплағич ойна тагига суюқлик юборилади. Бунда катаклар усти суюқлик билан тўла қопланган бўлиши, унга ҳаво пуфакчалари кирмаслиги ёки катак ёнидаги ариқчаларга тушмаслиги зарур. Шундан кейин камера микроскоп столчасига қўйилади-да, икки минут кутилади, бу вақтда эритроцитлар чўкиб катак юзасига ўтиради. Ҳисоб камераси қатъий горизонтал ҳолатда бўлиши керак, бунинг учун микроскопни қийшайтирмаслик лозим. Сўнгра микроскоп остида камера катагининг диагонали бўйича жойлашган 5 та катта ёки 80 та майда квадратдаги эритроцитлар сони саналади. Текширилаётган қоннинг 1 мм³ даги эритроцитлар сони қуйидаги формулага мувофиқ ҳисоблаб топилади:
х = Э · 4000 · 200 / 5 · 16 [9.1]
Б
у ерда: х – 1 мм³ қондаги эритроцитлар сони; Э – 5 та квадратдаги эритроцитлар сони; 200 – қоннинг суюлтирилиш даражаси; 4000 – битта кичик квадратнинг ҳажми; 5 · 16 ёки 80 – эритроцитларни саналган кичик квадратлар сони. Нормада 1 мм³ қондаги эритроцитлар сони; аёлларда – 4 500 000, эркакларда – 5 000 000 бўлади