Laboratoriya jumıs №1

Ximiyalıq usıl. Bul usıllar germetik ıdıs (anaerostat, eksikator)dag`ı kislorodtı o`zine tartıp alıw qa`syietine yie bolg`an pirogallol yaki natriy gidrosul`fat Na2S2O4 uqsag`an birikpelerden paydalanıladı.
Biologiyalıq usıl.
Fortner usılı. Biologiyalıq usıllardan biri talapshan` aeroblardı anaerob mikroorganizmler menen birgelikte o`siriledi. Bul usılda mikroorganizmlerdi o`siriw ushın Petri keseshesine azıqlıq ortalıq quyıladı, ol qatg`annan keyin sterillengen skal`pel` menen da`l ortasınan kesip, ekige ajıratıladı. Sonnan keyin keseshedegi azıqlıq ortalıqtın` bir ta`repine aerob mikroorganizm, ekinshi ta`repine anaerob mikroorganizm egiledi. Keseshenin` ishine hawa kirmesligi ushın shetleri plastilin yamasa parafin menen bekitiledi ha`m termostatqa qoyıladı. Birinshi aerob mikrorganizmler o`se baslaydı, keseshenin` ishindegi ha`mme kislord sorılıp bolg`annan keyin, anaeroblardın` o`siwi ushın qolay jag`day ju`zege keledi. Aeroblardan 3-4- sutkadan keyin anaerob mikroorganizmler rawajlana baslaydı.
Aerob mikroorganizmlerdi o`siriwde egilgen azıqlıq ortalıq tuwrıdan-tuwrı termostatqa qoyıladı. Mikroorganizmlerdi usı usıllar ja`rdeminde o`siriwden maqset ajıratılg`an koloniyalar alıw. Sol koloniyalar taza kul`tura ajıratıp alıwda paydalanıladı. Taza kul`tura ajıratıp alıng`andan keyin onın` qa`siyetleri u`yreniledi: morfologik-tinktorial, kul`tural, bioximik, toksigenlik, antigenlik, antibiotiklarga sezgirlik ha`m basqa qa`siyetleri u`yreniledi.
Mikroorganizmlerdin` morfologiyalıq-tinktorial qa`siyetleri.
Bul qa`siyetin anıqlaw ushın ajratıp alıng`an taza kul`turadan su`rtpe tayarlap, boyawlar ja`rdeminde boyaladı ha`m mikroskop astında ko`riledi. Bunda mikroorganizmlerdin` formasın, jaylasıwın sporası bar yamasa joq ekenligin, kapsula payda eteme yamasa joqpa /morfologik/ ha`m boyaw usıllarına qarap qanday boyaladı /tinktorial/, usıllardı ko`riwimiz mu`mkin.
Mikroorganizmlerdin` kul`tural qa`siyeti. Bunın` ushın mikroorganizmlerdi qattı, suyıq ha`m yarım qattı azıqlıq ortalıqlarg`a egiledi ha`m ortalıqlarda qanday o`sgeni tekseriledi.