Laboratoriya jumıs №1

Laboratoriyalıq jumıs №4. Bakteriyalardın` antibiotiklerge ha`m faglarg`a bolg`an sezgirligin anıqlaw.
A`meliy sabaq mazmunı:
“Bakteriyalardın` tirishiligi dawamında islep shıg`aratug`ın o`nimleri. Fermentlar, pigmentlar,toksinlar, aromatik zatlar ha`m olardın` identifikatsiyadag`ı a`hmiyeti”.
Bakteriya toksinleri (za`ha`rli zatlar). Bakteriyalar sintez etetug`ın za`ha`rli zatlar ximiyalıq tabiyatına qarap beloklar (ekzotoksinler) yamasa lipopolisaxaridler (endotoksinler) bolıwı mu`mkin. Beloklar bakteriya kletkasının` sırtqı qabıg`ında jaylasqan bolıp, tolıq sırtqa sintez etiletug`ın (V.cholerae xolerogeni, V.parahaemolyticus gemolizini, Cor.diphteriae gistotoksini ha`m basqalar), azg`antay (Bord.pertussis leykotoksini, Cl.teteani tetanospazmini, Cl.botulinum neyrotoksini) ulıwma sintez etilmeytug`ın tu`rler (Sh.dysenteriae enterotoksini, Y.pestis ―tıshqan toksini‖) ne bo`linedi. Keyingi tu`rleri tek bakteriya kletkası parshalang`annan keyin sırtqa tu`sedi. Belok ta`biyatlı toksinler mikrob virulentliginin` a`melge asıwında, ha`m bakteriyalardın` metabolitik protsesslerinde qatnasadı.
Belok tabiyatlı toksinler. Bakteriyalardan 80 nen artıq belok tabiyatlı toksinler ajıralıp shıg`adı.. Olar bir-birinen molekulyar massası, ximiyalıq du`zilisi, tropligi (beyimliligi) ha`m biologiyalıq aktivligi menen parıqlanadı.
Beloklar tiykarınan termolabil bolıwına qaramay, olardın` ıssılıqqa shıdamlı tu`rleri bar. Ma`selen, Cl.botulinum, E.coli, patogen stafilokokklar islep shıg`aratug`ın za`ha`rler 100oS da ha`m bir neshe minut saqlanıp qaladı. Ekzotoksinler ag`za ha`m toqımalarg`a beyimliligi, za`ha`rliligi, antigenligi, immunogenligi ha`m basqa belgileri menen xarakterlenedi. Ta`sir mexanizmine qarap 4 tu`rge ajıratıladı.
Tsitotoksinler belok sintezin buzadı. Ma`selen, antielongator toparına tiyisli toksinler transferaza II fermentinin` iskerligin buzadı, bul ferment ribosomada belok elongatsiyasida (polipeptid shınjırının` uzayıwında) qatnasadı. Sonın` menen birge bul toparg`a enteropatogen ha`m dermonekrotoksik aktivlikke yie toksinler ha`m kiredi.