Laboratoriya jumıs №1

Pilekshelar (blyashek) kletka kul`turasında payda bolıwı.
Viruslardın` mug`darının` anıq sanın esapqa alıw usılı esaplanadı. Viruslardı ajıratıp alıwda bir qabatlı kletka kul`turasındag`ı azıqlı ortalıq alıp taslanıp, virus saqlawshı material menen kletka kul`turasına virus juqtırıladı, son` neytral qızıl indikator qosılg`an juqa agar qatlamı menen qaplanadı. Termostatda bir neshe ku`n saqlap turılg`annan son`, agar qaplamasında ma`lim formadag`ı aq-aq dag`lar monoqatlam fonında (pilekshe) payda boladı. Bul bolsa, bir tekiste o`sken kletka kul`turası quramında virus ko`beyiwi na`tijesinde payda bolg`an kletkalar toplamı. Ha`r bir pilekshe bir virus bo`lekshesinin` ko`beyiwi na`tijesinde payda bolıp, neytral qızıl menen boyalg`an kletkalar fonında domalaq aq daqlar formasında ko`rinedi.
Gemadsorbtsiya reaktsiyası. Viruslardı indikatsiya etiw usıllarınan biri, olar kirip ko`beyiyp atırg`an (reproduktsiya) kletkanın` ju`zesi eritrotsitlerdi adsorbtsiya etiw qabılıyatına tiykarlang`an, bul bolsa gemadsorbtsiya reaktsiyası deyiledi. Gemadsorbtsiya ha`m
gemagglyutinatsiya reaktsiyasına wxsas mexanizimine iye. Gemadsorbtsiyalaw qa`siyetine iye bolıw virus juqtırg`an kletka membranasında virusqa ta`n arnawlı beloklardın` –gemagglyutininlerinin` jaylasıwına baylanıslı bolıp, eritrotsitlerda bul beloklarg`a komplementar retseptorlar boladı ha`m sonın` ushın olar virus penen zıyanlang`an kletkalar ju`zesine adsorbtsiyalanadı. Bul reaktsiyanı qoyıw ushın viruslar menen zıyanlang`an kletka kul`turasına eritrotsitler (ko`birek tawıq, ten`iz shoshqası, maymıl ha`m adamnın` O (I) eritrotsitleri isletildi) suspenziyası qosıladı. Ma`lim waqıttan son` kletkalar natriy xloridtın` izotonik eritpesi menen juwıladı. Quramında viruslar bolg`an kletkalar ju`zesinde eritrotsitler jabısqansha qoladı. Jaqtılıq mikroskopında ko`riw mu`mkin. Virus juqtırılg`an kletka kul`turasına tip arnawlılıg`ın belgilewshi zardab qosıp saqlansa, kletkalar gemadsorbtsiya etiw qabılıyatın jog`altadı, yag`ni gemadsorbtsiya tormozlanıp qaladı. . Bu fenomen viruslardın` identifikatsiyasında qollanıladı.