Лаборатория ишлари 1-лаборатория иши

Материалларнинг қаттиқлигини Роквелл усулида синаш.
Бу усулдан, одатда, қаттиқлиги НВ450 дан ортиқ бўлган, масалан, тобланган, цементитланган, азотланган пўлат деталларни ёки улардан тайёрланган намуналар қаттиқлигини аниқлашда фойдаланилади. Бунда намунани асбоб столига силлиқланган сирти юзасини юқорига қаратиб қўйилгач, унга уч радиуси 0,2 мм ва бурчаги 120⁰ ли олмос конус (у қадар қаттиқ бўлмаган материаллар қаттиқлигини аниқлаш зарур бўлган ҳолда диаметри 1,5875мм ли тобланган пўлат шарча) маълум юклама остида ботирилади. Синашда олмос конусни ёки шарчани намунага асосий юклама (Р₁) остида ботиришда учликнинг ботиш чуқурлиги (h) га кўра қаттиқлиги аниқланади (4-расм). Шуни айтиш лозимки, синаладиган материалнинг тахминий қаттиқлигига кўра учлик тури ва унга қўйиладиган юклама 5-жадвалга кўра танланади.
Материал қаттиқлиги индикаторнинг қайси шкаласи бўйича аниқланганлигига кўра уни тубандагича ифодаланади.



4-расм. Синашда олмос конусни материалга ботириш схемаси

5-жадвал

Роквелл бўйича қаттиқликни ўлчаш оралиғи	Учлик хил	Индикатор шкаласи	Қўйилган юклама, Н (кг)
25-100	Тобланган пўлат шарча	В	1000 (100)
20-67	Олмос конус	С	1500 (150)
70-85	--«--	А	600 (60)

HRA=100-e, HRC=100-e.

Агар “В” шкала юўйича аниқланса, HRB=130-e.
Бу ерда е-намунадан асосий юклама (Р₁) олинганда учликни дастлабки (Р₀) юклама остида 0,002 мм га ботган чуқурлиги бўлиб, уни тубандагича аниқланади:
_{ } мм
Бу ерда h- учликнинг намунага асосий юклама (Р₁) ботган чуқурлиги, мм; h₀- учликнинг намунага дастлабки юклама (Р₀) қўйилганда ботган чуқурлиги , мм.
Агар е қийматини юқоридаги формулаларга қўйсак, унда қаттиқлик тубандагича бўлади:
HRA ёки HRC = 100 -_{ }; HRB=130-_{ }.