Лаборатория ишлари 1-лаборатория иши

Фосфор ва углероднинг тақсимланишини аниқлаш. Маълумки, фосфор миқдори пўлатда 0,1-0,2% бўлса, совуқда мўрт, синувчан бўлади. Шу сабабли унинг миқдори қанча кам бўлса, шунча яхши.



2-расм. Намунада олтингугуртли бирикмалар (а), фосфорли ва углеродли бирикмалар (б) ни тақсимланиши.
Ф осфорнинг тақсимланишини аниқлаш учун тубандаги ишлар қилинади:
1. Намуналар тайёрланади.
2. Намуналар махсус шкафдаги фосфор косачадаги реактив (85 гр. СuСl₂, 53 гр. NH₄Cl ва 1000 см³ сувли эритма) га туширилиб, унда 1—2 мин сақлаймиз. Бунда эритмада Fe эриб, Сu ажралиб намуна сиртига ўтиради.
3. Реактивдан намунани қисқич ёрдамида олиб, сиртига ўтирган Сu сув билан ювиб тозалангач, нам пахта билан артиб қуритилади.
4. Намуна сиртида фосфорга ва углеродга бой жойлари тезроқ эриганлиги сабабли қорайиб кўринади (2-расм, б).
Металлардаги толалиликни кузатиш.
Металлдаги сулфидлар, оксидлар ва шлаклар босим билан ишлашда деформация йўналишида чўзилиб, тола ҳосил қилади, шу сабабли деталларни тайёрлашда тола йўналиши бўйича пухталанишни хисобга олинмоғи лозим.
Металлардаги толалик тузилишни аниқлаш учун тубанда­ги ишлар қилинади:
1. Намуналар тайёрланади.
2. Фосфорнинг тақсимланишини кузатишдаги эритма олиниб, намунани фосфорли косадаги иссиқ реактив туширилади ва 1-2 мин сақланади. Агар кучлироқ реактивда ишлаш зарур бўлса, реактив сифатида дарз, ғовакларни кузатишда фойдаланиладиган эритмадан фойдаланиб, намунани унга тушириб, 30-50 мин сақланади.
3. Реактивдан намунани қисқич ёрдамида олиниб, аввалига сувда, кейин нитрат кислотасининг сувдаги 10-15% ли эритмасида ювилиб, қуритилади.
4. Намуна сирти кузатилади, бунда толалик яққол кўрина­ди (3-расм).
5. Кузатувлар натижасида олинган материалларни 1-жадвалнинг тегишли устунларига қайд этилади.
1-жадвал

Тартиб рақами	Намуна ёки детал эскизи	Фойдаланилган реактив	Кўрилган манзара	Хулоса