Laboratoriya ishi

Stekni qayta ishlash algoritmlari haqidagi to’liq bilimlar va amaliy masalalarni yechish 2.2. paragrafda keltirilgan.

Mustaqil ishlash uchun laboratoriya ishi topshiriqlari

Berilgan simvollar kiritilib, ulardan stek hosil qilinsin. Hosil qilingan stek ustida quyidagi amallarni bajarilsin:

Variantlar:

1.Stekning birinchi va oxirgi elementlarining o’rnini almashtiring.

2.Stekni ag’daring, ya’ni quyi chegarani yuqori chegara bilan, stek cho’qqisini birinchi element bilan almashtiring.

3.Agar stek elementlari soni toq bo’lsa, uning o’rtasidagi elementni, juft bo’lsa, o’rtasidagi ikkita elementni o’chiring.

4.Stekning har ikkinchi elementini o’chiring (juft o’rinda joylashgan).

5.Stekning elementlari soni juft bo’lsa, uning o’rtasiga, agar toq bo’lsa, o’rtadagi elementdan keyin '*' belgisini joylashtiring.

6.Stekning eng kichik elementini toping va undan keyin 0 ni joylashtiring.

7. Stekning eng katta elementini toping va undan keyin 0 ni joylashtiring.

8.Eng kichik elementni o’chiring.

9.Birinchi elementga teng bo’lgan barcha elementlarni o’chiring.

10.Oxirgi elementga teng bo’lgan barcha elementlarni o’chiring.

11.Eng katta elementni o’chiring.

12.Eng kichik elementni toping va uning o’rniga 0 ni qo’ying.

13.Eng katta elementni toping va uning o’rniga 0 qo’ying.

- Hosil bo’lgan stekni ekranga chiqaring.

- Hosil bo’lgan stekni chop qiling.