Laboratoriya ishi laboratoriyada ishlashda rioya qilinadigan xavfsizlik texnikasi qoidalari

Kislota va ishqorlar bilan ishlash qoidalari.
Mineral (xlorid, natrat, sulfat, ftorid) kislotalar, shuningdek, kuchli organik kislotalar(poli- va monogaloid karbon kislotalar) teriga va shilliq pardalarga tegsa kimyoviy kuydiradi. Agar ko’zga kislota sachrasa ko’z qorachig’i zararlanib kishi ko’r bo’lishi mumkin. O’yuvchi ishqorlar va ularning eritmasi, shuningdek metall alkogolyatorlari xam teri va shilliq pardaga tegsa kimyoviy kuydiradi. Ko’zga ishqor sachrasa kishi ko’r bo’ladi. SHuning uchun kislota va ishqorlar bilan ishlash qoidalarini esda saqlash kerak.

1. 
   Ishqor va kislotalar bilan qilinadigan xamma ishlar ximoya ko’zoynagi taqib bajariladi.
   
2. 
   Kislota va ishqorlarni katta idishlardan kichik idishlarga sifon yoki voronka orqali quyishda rezina qo’lqop, fartuk va ximoya ko’zoynagidan foydalanish kerak.
   
3. 
   Kislota va ishqorlarni og’iz bilan pipetka yoki sifon orqali so’rib olish man etiladi.
   
4. 
   Sulfat kislotani faqat issiqqa chidamli idishlarda suyultirish mumkin, chunki bunda ko’p issiqlik ajralib chiqadi. Bunda kislota suvga quyiladi, lekin aksincha emas. Bu ishni bajarishda ximoya ko’zoynagi taqib olish kerak.
   
5. 
   O’yuvchi ishqorlarni eritishda xam ko’zoynak taqish kerak. Bunda ishqorning kichikroq bo’laklari asta-sekin suvga solib eritiladi. Ishqor bo’laklarini qisqich bilan olish mumkin.
   
6. 
   Vakuum-eksikatorlarda suvni tortib oluvchi modda sifatida sulfat kislota ishlatish mumkin emas, chunki eksikator yorilib ketsa, kislota sachrab kuydiradi.
   
7. 
   Plavik kislota bilan ishlashda nixoyatda extiyot bo’lish kerak. Rezina qo’lqop, ximoya ko’zoynagi yoki maska kiyish va ishni mo’rili shkafda bajarish lozim.
   

Juda xavfli va zaxarli moddalar bilan ishlash qoidalari
Juda xavfli moddalar (natriy va kaliy metallari, portlovchi moddalar, portlovchi aralashmalar) bilan olib boriladigan xamma ishlarda, past bosim ostida va yuqori bosim ortida ishlashda, albatta, ximoya ko’zoynagi taqish yoki maska kiyish kerak. Ish tugagandan keyingina ularni yechish lozim.