Laboratoriya ishi №8 suyuq shishani laboratoriyada olinishi bo‘yicha tajribalar o‘tkazish. Ishning maqsadi

Tajriba № 3. Uglerod (II) oksidining olinishi va uning yonishi.
Mikrokolbachaga 2-3 tomchi konsentrlangan sulfat kislota va 4-5 tomchi chumoli kislotasidan (HCOOH) tomizing. Kolba og‘zini uchi ingichka gaz o‘tkazuvchi to‘g‘ri nay o‘rnatilgan probka bilan bekitib, shtativga tik holda o‘rnating. Aralashmani ehtiyotlik bilan past gaz alangasida qizdiring va ajralib chiqayotgan gazni yondiring. Alanga rangini qayd qiling. Reaksiya tenglamasini yozing:
a) uglerod (II) oksidining olinishi;
b) uglerod (II) oksidining havoda yonishi.

18-rasm. Uglerod (II) oksidining olinishi.

Agar qo‘l ostingizda chumoli kislotasi bo‘lmasa, CO-gazini oksalat kislotasidan oling va uning xossasini o‘rganing.

Vyurs kolbachasiga 15 g. oksalat kislotasidan va 20 ml kons. sulfat kislotasidan soling. Birinchi sklyankaga 10% li natriy gidroksid eritmasidan (nima uchun?), ikkinchi sklyankaga kons. sulfat kislotasidan soling. Issiqlikka chidamli shisha nayning o‘rtasiga CuO-kukunidan soling va nayni shtativga rasmda ko‘rsatilgandek qilib o‘rnating. Shisha nayni CuO-solingan qismini past gaz alangasida qizdiring. Keyin Vyurs kolbasidagi reaksion aralashmani qum hammomida kuchli gaz ajralib chiqa boshlanguncha qizdiring va gaz gorelkasini olib quying. Ajralib chiqayotgan gaz oqimini qizdirilgan mis oksidi ustidan o‘tkazing. Tajribaning borishini kuzating. Shisha nayda qanday o‘zgarish sodir bo‘ladi. Kuzatilgan hodisalarning reaksiya tenglamalarini yozing Uglerod (II) oksidi qanday vazifani bajarayapti?


Tajriba № 4. Uglerod (IV) oksidi va karbonat kislotasining olinishi
Karbonat angidrid olish uchun Kipp apparatini zaryadlang. Buning uchun Kipp apparatining o‘rta qismidagi sharga marmar bo‘lakchalaridan tashlab, apparatning voronkasiga xlorid kislotasining (1:1) suyultirilgan eritmasidan quying. (Nima uchun bu maqsadda sulfat kislotaning eritmasidan foydalanish tavsiya etilmaydi?) Marmar ustiga xlorid kislota qo‘shilganda gaz ajralib chiqishini kuzating. Bu gaz karbonat angidrid ekanligini qanday isbotlaysiz? Probirkaga lakmusning neytral eritmasidan quying va unga gaz chiqaruvchi nay uchini botiring. Lakmus rangining o‘zgarishini belgilang. Bajarilgan ishni yozing. Karbonat angidridning suvdagi eritmasida mavjud bo‘lgan muvozanat sxemasini yozing. Temperaturaning ko‘tarilishi muvozanatning siljishiga qanday ta’sir qiladi? Kislota yoki ishqor qo‘shilganda-chi? Har bir hol uchun muvozanatning siljish sabablarini ko‘rsating.