Laboratoriya ishi №22 KimYOviy muvozanat

Laboratoriya ishi № 53

Surma kislotasini olinishi va uning xossalari

(Ishni mo‘rili shkafda bajaring)

a) Probirkada ozgina surma kukunini batamom erimaydigan oq surma kislotasi hosil bo‘lguncha konsentrlangan HNO₃ eritmasi bilan qizdiring. Hosil bo‘lgan cho‘kma Sb₂O₅H₂O tarkibga ega. Surma kislotasining asosiy koordinatsion formulasi H[Sb(OH)₆]. Reaksiya tenglamasini yozing. Surmaning konsentrlangan HNO₃ va H₂SO₄ eritmalari bilan ta’sirlanishidan hosil bo‘lgan mahsulotlarni solishtiring.

b) Surma kislotasi cho‘kmasini ikki probirkaga bo‘ling. CHo‘kmani NaOH va konsentrlangan HCl eritmalariga munosabatini sinab ko‘ring. Surma kislotasining kimyoviy xossalari haqida xulosa chiqaring. Olingan surma (V) xlorid eritmasini 12-tajriba uchun saqlang. Reaksiyalarni molekulyar va ionli xolida yozing.

Vismut (III) gidroksidining olinishi va xossalari.

Vismut (III) nitratidan vismut (III) gidroksidini oling. Reaksiya tenglamasini yozing. Olingan cho‘kmani suyultirilgan kislota va ortiqcha ishqor eritmalariga munosabatini sinab ko‘ring. Nima kuzatiladi. Vismut (III) gidroksidi qanday xossalarni namoyon qiladi. Reaksiya tenglamalarini molekulyar va ionli shaklida yozing. .

Vismut (III) tuzlarining gidrolizi.

Ozgina vismut (III) nitratini bir necha tomchi suvda eriting. Eritmada indikator rangi o‘zgarishini tushuntiring.

CHo‘kma tushguncha eritmani distillangan suv bilan suyultiring. CHo‘kmaga tushgan modda BiONO₃ bo‘lsa, gidroliz reaksiyasi tenglamasini yozing. U qanday hosil bo‘ladi.

Vismutatlarni oksidlovchilik xossalari.

2 n.li HNO₃ eritmasi qo‘shilgan marganets (II) sulfat eritmasiga ozgina qattiq holdagi natriy yoki kaliy vismutatni qo‘shing. MnO₄^- ioniga xos bo‘lgan eritma rangiga e’tibor bering. Reaksiya tenglamasini yozing. Bu reaksiyada natriy vismutat qanday xossalarni namoyon qiladi? Nitrat kislotasining o‘rni nimada?